Valleyball: Umukino w’u Burundi na Burkina Faso wasubitswe

Uyu mukino wa nyuma mu itsinda A riherereyemo u Rwanda, wagombaga gutangira saa Yine, ariko hafatwa umwanzuro wo kuwusubika nyuma yo gusanga bamwe mu bakinnyi b’ikipe y’igihugu y’u Burundi baranduye COVID-19.

Mu itangazo impuzamashyirahamwe y’umukino wa Volleyball muri Afurika ‘CAVB’ yashyize ahagaragara, yavuze ko nyuma yuko mu bakinnyi b’ikipe y’igihugu y’u Burundi hagaragayemo abanduye COVUD-19, umukino wagombaga kubahuza na Burkina Faso usubitswe, igihe uzakinirwa bakazakimenyeshwa mu rindi tangazo.

Aya makipe yombi yatsinzwe imikino ibiri yabanje yo mu itsinda ndetse akaba atazanakomeza mu mikino ya ¼.

Kugeza ubu amakipe atandatu yamaze kubona itike ya ¼, ni u Rwanda na Uganda mu Itsinda A, Tunisia yo mu Itsinda B, Cameroun na Repubulika Iharanira Demokarasi ya Congo byo mu Itsinda C, Misiri na Maroc mu itsinda D.

Uko Imikino iteganyijwe kuri uyu wa Gatanu:

10:00 Burikina Faso vs Burundi (Itsinda A) (Wasubitswe)

12:00 Kenya vs Tanzania (Itsinda D)

14:00 Sudani y’Epfo vs Tunisia (Itsinda B)

16:00 Ethiopia vs Nigeria (Itsinda B)

18:00 Rwanda vs Uganda (Itsinda A)

20:00 Misiri na Maroc (Itsinda D)

Umuikino wagombaga guhuza u Burundi na Burkina Faso wasubitswe