Platini yagiye muri Nigeria gusinya amasezerano n’abagiye kumufasha mu muziki

Platini yahagurutse ku kibuga cy’indege Mpuzamahanga cya Kigali i Kanombe, kuri uyu wa Mbere tariki 2 Kanama 2021, yerekeza muri Nigeria.

Amakuru agera kuri INYARWANDA aravuga ko Platini yagiye gufatira amashusho y’indirimbo muri Nigeria, ndetse akanasinya amasezerano mashya n’ikipe (Management) igiye kujya imufasha mu muziki we.

Biravugwa ko iyi kipe (Management) igiye gutangira kumufasha mu muziki we, izamufasha gukorana indirimbo n’abahanzi bakomeye muri iki gihugu. Iyi kipe bagiye gutangira gukorana ni yo yamwishyuriye itike y’indege n’ibindi byose azakorera muri Nigeria.

Platini agiye muri Nigeria nyuma yo gusohora amashusho y’indirimbo ye nshya yise ‘Helena’. Anaherutse kubimburira abandi kuririmba mu ruhererekane rw’ibiraramo by’iserukiramuco rya Iwacu Muzika Festival. Platini yagiye muri Nigeria, aho bivugwa ko ashobora gukorana indirimbo n’abahanzi bakomeye muri iki gihugu 

Platini aragirana amasezerano n’ikipe (Management) igiye kujya imufasha mu muziki we