Ishyirahamwe ry'umupira w'amaguru mu Bwongereza rigiye gushyiraho itegeko rirengera abakinnyi bashobora kurwara indwara zo mu mutwe bitewe no gukinisha umupira umutwe cyangwa abakinnyi kuba bahondanya imitwe bakurikiye umupira.
Iri
tegeko rizaba rireba amakipe yose yo mu cyiciro cya Abagore, ndetse n'ayo mu bagabo
kandi mu byiciro byose. Amakipe y'igihugu cy'u Bwongereza yose yo mu mupira
w'amaguru nayo akazaba arebwa n'iri tegeko. Iki cyemezo cyemejwe na Football
Association, Premier league, EFL, League Managers ndetse na Professional
Footballers
Iri
tegeko riteye gute?
Mu gihe amakipe ari gukora imyitozo umukinnyi
ntazaba yemerewe gushyira umupira ku mutwe uvuye mu metero zirenga 35 cya imipira
yose ihinduriwe mu mpande. Andi mabwiriza azohererezwa abatoza harimo ko
umukinnyi aho gushota umupira n'umutwe ahubwo yajya awuhoza n'umutwe noneho
akawutera bisanzwe.
Bya bindi
umukinnyi yasimbukaga agatera umupira n'umutwe bisabye ko ahindura ijoshi ntago
bizaya biba byemewe. Mu gihe ikipe yitegura gukina umukino w'irushanwa, nibura
nka rimwe mu cyumweru hazajya habaho imyitozo yo gukinisha umutwe ariko uwo
munsi uzajya uba wihariye aho kubikora buri munsi.
Iri
tegeko rizajya ryubahirizwa mu myitozo gusa ariko mu mikino y'irushanwa ntago
rizajya rikoresha. Impamvu yo mu myitozo, abaganga bavuzeko ari byiza ko
umukinnyi akoresha imipira y'umutwe gacye gashoboka mu cyumweru kugira ngo
yirinde ihungabana ry'ubwonko ariyo mpamvu imipira yo ku mutwe mu myitozo
igomba gukurwaho.
TANGA IGITECYEREZO