Ubuyobozi bw’ikipe ya Manchester United ndetse n’ubwa Borussia Dortmund, bwatangaje ko bwamaze kumvikana ku igurwa rya rutahizamu w’umwongereza ukina aca ku mpande, wakiniraga Dortmund, Jadon Sancho, nyuma yo kumwifuza kenshi mu myaka yatambutse ariko ntibikunde kubera ubwumvikane bucye ku mafaranga yagombaga gutangwaho.
Ku gicamunsi cyo kuri uyu wa Kane tariki ya 01 Nyakanga 2021, nibwo ikipe ya Borussia Dortmund yavuye ku izima itangaza ko yamaze kurekura Sancho akerekeza muri Manchester United yamutanzeho miliyoni £73 z’ama-Pound, angana na miliyoni $101 z’amadolari, akaba angana na Miliyari 101 mu mafaranga y’u Rwanda.
Nyuma y’iryo tangazo rya Dortmund, Manchester United ibinyujije ku mbuga nkoranyambaga zayo, yatangaje ko yamaze kwibikaho rutahizamu Jadon Sancho w’imyaka 21 y’amavuko, ndetse banamuha ikaze muri iyi kipe y’ubukombe ku Isi.
Abakinnyi batandukanye ba Manchester United, barimo Marcus Rashford, babinyujije ku mbuga nkoranyambaga zabo, bahaye ikaze mugenzi wabo Jadon Sancho muri Manchester United.
Ntabwo higezwe hatangazwa amasezeranouyu mukinnyi azasinya muri Manchester United, kuko bavuze ko ibindi bikorwa byose bisigaye birimo kumusinyisha no kumwerekana bizakorwa irushanwa rya Euro 2020 rirangiye, gusa biravugwa ko Sancho azasinya amasezerano atari munsi y’imyaka 3.
Zari inzozi za Jadon Sancho gukinira ikipe ya Manchester United, ndetse akaba agarutse mu gihugu cye nyuma y’imyaka ine yari amaze mu Budage akinira Borussia Dortmund.
Hari hashize igihe kirekire Manchester United yiruka kuri uyu mukinnyi ariko Dortmund ikayishyiriraho igiciro gihanitse, bigatuma igurwa ry’uyu mukinnyi rigenda biguru ntege.
Man.United yabanje gucibwa na Dortmund miliyoni 100 z’ama-Pound yanga kuzishyura, igarutse icibwa 90 nabwo yanga kuzishyura, ubuyobozi bw’iyi kipe yo mu Budage bubabwira ko umukinnyi wabo atagurishwa.
Jadon Malik Sancho ukomoka mu Bwongereza yavutse ku itariki 25 Werurwe 2000, Uyu musore yanyuze mu makipe y’abakiri bato ya Watford na Manchester City mbere yo kwerekeza mu ikipe ya Borussia Dortmund ya kabiri mu gihe mu mwaka wa 2017 aribwo yasinye amasezerano yo gukina nk’umukinnyi wabigize umwuga ahita azamurwa muri Borussia Dortmund nkuru akinira kugeza magingo aya.
Sancho
avuye muri Borussia Dortmund ayikiniye imikino 137 mu myaka ine ayimazemo,
yayitsindiye ibitego 50.
Jadon Sancho yamaze kugurwa na Manchester United
Eng
RSS 
Sancho yari umwe mu bakinnyi bafatiye runini Dortmund
TANGA IGITECYEREZO