RFL
Kigali

Marine FC ibujije Rayon Sports guhekenya ngo imire, baganyiriza kuri stade Umuganda

Yanditswe na: ISHIMWE Olivier Ba
Taliki:13/06/2021 14:42
0

Igitego kimwe kuri kimwe ni wo musaruro utandukanyije Rayon Sports yari yakiriwe na Marine. Umukino watangiye ku isaha ya Saa Sita (12:00) ubera kuri sitade Umuganda, Marine ikaba yari yaje ishaka andi manota 3 nyuma yo gutsinda Rutsiro FC basangiye ikibuga.



Rayon Sports yaherukaga kunganya na Police FC igitego kimwe kuri kimwe, ikaba yari ifite amatsiko n'amashyushyu yo kubona amanota 3 imbumbe n'ubwo bitayihiriye. Rayon Sports yabanjemo Hakizimana Adolphe, Rugwiro, Ndizeye Samuel, Luvumbu, Mambote Assis, Nishimwe Blaise, Nshimiyimana Amran, Niyibizi Emmanuel, Drissa Dagnogo na Niyigena Clement.

Rayon Sports niyo yafunguye amazamu ku munota wa 24 igitego cyatsinzwe na Nishimwe Blaise wakinaga n'ikipe yamureze. Igice cya mbere cyenda kurangira, Marine yabonye igitego cyo kwishyura ku munota wa 42 gitsinzwe na Ngabo Mucyo Fred, igice cya mbere kirangira uko.


Nishimwe Blaise Ni we watsindiye Rayon Sports 

Marine FC yabanjemo Ntwari Fiacre wari uri mu izamu, imbere hari: Hakizimana Felicien Dusingizemungu Ramadhan, Ndayishimiye Thierry, Hirwa Jean de Dieu, Bizimungu Omar, Ngabo mucyo Fred, Nsengiyumva Ir'shad, Ishimwe Fiston, Mugenzi Bienvenue na Nshimyumuremyi Gilbert.

Igice cya 2 nta mpinduka zikaze zabayeho, usibye ku munota wa 74 Bizimungu Omar yahawe ikarita itukura ku ruhande rwa Marine. Nyuma yo kunganya imikino 2 yikurikiranya, igatsindwa na As Kigali, igatsinda Bugesera, ubu Rayon Sports isa nk'aho yakuye amaso ku gikombe ahubwo igomba kwitegura umukino bazakiramo APR FC nibura igatsinda mucyeba w'ibihe byose.






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND