Ibyo wamenya ku mikino y'igikombe cy'uburayi aho ikipe itsinze umukino ihabwa miliyari y'Amanyarwanda

Igikombe cy'uburayi kiba buri nyuma y'imyaka 4, aho cyaherukaga kuba mu 2016 cyegukanwa na Portugal itsinze Ubufaransa igitego kimwe ku busa. Iyi mikino yari iteganyijwe kuba tariki 12 Kamena kugeza tariki 12 Kanama 2020 ariko kubera ikibazo cya Covid-19 iyi mikino yimurirwa muri uyu mwaka.

Mu 2012 Michel Platini wayoboraga  ishyirahamwe ry'umupira w'amaguru i Burayi yavuze ko imikino ya 2020 izabera mu bihugu bitandukanye kugira ngo bizihize isabukuru y'imyaka 60 iyi mikino ibaye.

Wembley ni yo izakira umukino wa nyuma 

Ibihugu bizakira imikino: Azerbaijan, Denmark, England, Germany, Hungary, Italy, Netherlands, Romania, Russia, Scotland, Spain

Umukino ufungura uzaba kuri uyu wa 5 ku isaha ya 21:00 Turkey yakira Ubutariyani, umukino uzabera kuri sitade Olimpico.

Iyi mikino nk'uko bisanzwe izitabirwa n'amakipe 24, akubiye mu matsinda atandatu.

Itsinda rya mbere, ririmo; Ubutariyani, Switzerland, Turukiya, Wales. Itsinda B rigizwe na Belgium, Denmark, Finland, Russia. Itsinda C; Austria, Ubuhorandi, North Macedonia, na Ukraine. itsinda D ririmo Croatia, Czech Republic, England, na Scotland. Itsinda E rigizwe na Poland, Slovakia, Spain, Sweden, itsinda F ririmo  Ubufaransa, Portugal, Hungary, n'Abadage.

Ubwongereza ni bwo buzakira umukino wa nyuma uzabera kuri Stade y'igihugu ya Wembley. Portugal niyo ifite igikombe giheruka yatwaye itsinze Ubufaransa igitego kimwe ku busa, mu gihe VAR nayo izaba igiye gukoreshwa ku nshuro ya mbere.

Portugal niyo ibitse iki gikombe 

Iyi mikino igihugu cyiyegukanye gihabwa akayabo ka Miliyoni  €35. Ikipe ibonye tike yo kwitabira iyi mikino ihita ihabwa miriyoni 9, ikipe itsinze umukino mu matsinda ihabwa Miliyoni 1.5 € ndetse yanganya umukino igahabwa ibihumbi 750 

Ikipe irenze imikino y'amatsinda ihita ihabwa Miliyoni 2 €, mu gihe ikipe igeze muti 1/4 ihabwa 3.25 € ikipe igeze muri 1/2 igahabwa Miliyoni 5 €, ikipe ibaye iya 2 igahabwa Miliyoni 7 € mu gihe ikipe itwaye igikombe ihabwa Miliyoni 10.