RFL
Kigali

Kapiteni wa Espagne yanduye COVID-19 mbere y'uko EURO itangira

Yanditswe na: SAFARI Garcon
Taliki:7/06/2021 12:16
0


Kapiteni w’ikipe y’igihugu ya Espagne, Sergio Busquets ukinira FC Barcelona, yasanzwemo COVID-19 habura iminsi micye ngo imikino y’irushanwa rya EURO 2021 itangira ugikinwa.



Bousquets yashyizwe mu kato mbere y’umukino wa gicuti Espagne ikina na Lithuania kuri uyu wa Kabiri tariki ya 08 Kamena 2021, nyuma y’ibizamini byafashwe Abakinnyi bose b’iyi kipe bagasanga uyu mukinnyi wa Barcelona ariwe wanduye iki cyorezo.

Uyu mukinnyi yasohotse mu mwiherero asiga bagenzi be bitegura umukino wa gicuti uzakinwa ku wa kabiri na Lithuania, mbere yo gutangira irushanwa rya EURO. Espagne izakina umukino wa mbere muri EURO ku wa Mbere tariki ya 14 Kamena 2021, aho bazakina na Suede.

Uyu mugabo w’imyaka 32 y’amavuko, azakomeza gupimwa iki cyorezo, akazemererwa gusubira muri bagenzi be ari uko yakize, irushanwa niritangira atarakira, ashobora gusiba umukino w’umunsi wa mbere bazakina na Suede.

Bouisquets yashyizwe mu kato nyuma yo kwandura COVID-19





TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND