Rutahizamu w’umunya-Argentine, Sergio Leonel Agüero del Castillo uzwi nka Sergio Kun Aguero, yateye umugongo ikipe ya Manchester City yari amazemo imyaka 10, yerekeza muri FC Barcelona yamaze gusinyira amasezerano y’imyaka ibiri.
Aguero yafashe umwanzuro wo gusohoka muri Manchester City yari amazemo imyaka 10 nyuma yo kuyifasha kwegukana ibikombe bitanu bya shampiyona y’u Bwongereza ‘Premier League’.
Binyuze ku mbuga nkoranyambaga, ikipe ya FC Barcelona yahaye ikaze uyu rutahizamu w’imyaka 32 y’amavuko witezweho kuziba icyuho cyasizwe na Luis Suarez werekeje muri Atletico Madrid.
Nyuma yuko Suarez yirukanwe muri FC Barcelona bitunguranye, ntabwo iyi kipe yigeze ibona umukinnyi wo kumusimbura ngo ahige i8bitego nkuko we yabikoraga, byatumye bihutira kujya ku isoko kugira ngo bashake rutahizamu ufite ubunararibonye ushobora kubafasha gutsinda ibitego.
Amahitmo yaberekeje k’umunya-Argentine Sergio Kun Aguero watsindiye Manchester City ibitego 260 mu mikino 390 yayikiniye mu myaka 10. Aguero yasinye amasezerano y’imyaka ibiri azamugeza mu mwaka w’imikino wa 2022/2023, akinira iyi kipe ibarizwa mu mujyi wa Barcelona.
Amasezerano Aguero yari afite muri Man.City azasozwa tariki ya 01 Nyakanga 2021, ari nabwo azaba abaye umukinnyi wa Barcelona ku buryo bwemewe n’amategeko.
Si ubwa mbere Aguero akinnye muri shampiyona ya Espagne, kubera ko guhera mu 2006-2011 yakiniye Atletico Madrid, ayifasha kwegukana igikombe cya Europa League, anayitsindira ibitego 27 mu mikino 41.
Eng
RSS 
Barcelona yamaze gusinyisha Sergio Aguero amasezerano y'imyaka ibiri
TANGA IGITECYEREZO