Mu mukino wa 1/8 cya UEFA Champions League, Paris Saint-Germain yatsindiye Barcelona ku kibuga cyayo ibitego 4-1, wasize amateka akomeye yaherukaga mu myaka 24 ishize, kuri rutahizamu w'umufaransa Klyan Mbappe watsinzemo ibitego bitatu.
Nubwo PSG itari ifite kizigenza wayo Neymar Jr, Klyan Mbappe w'imyaka 22 y'amavuko yayihetse ku mugongo, ayihesha intsinzi ikomeye yatumye yandikwa mu bitabo by'abanyabigwi ba ruhago ku Isi.
Imyaka 24 yari ishize nta mukinnyi utsindira ibitego bitatu ku kibuga cya FC Barcelona, mu marushanwa atandukanye, ariko mu ijoro ryo kuri uyu wa kabiri tariki ya 16 Gashyantare 2021, Klyan Mbappe yasibye ayo mateka nyuma yo gutsindira ibitego bitatu ku kibuga cya Camp Nou.
Mu bitego 4-1 PSG yatsinze Barcelona harimo bitatu bya Mbappe n'ikindi kimwe cya Moise Keane.
Byaherukaga kubaho ko umukinnyi atsindira ibitego bitatu i Camp Nou mu 1997.
Mbappe yabaye umukinnyi wa gatatu mu mateka utsindiye ibitego bitatu ku kibuga cya Camp Nou, nyuma ya Faustino Asprilla wakiniraga Newcastle na Andriy Chevchenko wakiniraga Dynamo Kyiv.
PSG kandi yabaye ikipe ya kabiri itsindiye Barcelona ibitego byinshi ku kibuga cyayo muri UEFA Champions League, nyuma ya Juventus iheruka kubikora.
Iyi kipe yo mu Bufaransa iheruka gutsindirwa ku mukino wa nyuma muri iri rushanwa na Bayern Munich, yongereye amahirwe menshi yo gukomeza muri 1/4 kuko bisaba FC Barcelona kuzatsindira i Parcs des Prince ibitego 4-0.
Klyan Mbappe yatsindiye ibitego bitatu i Camp Nou
Eng
RSS 
TANGA IGITECYEREZO