RFL
Kigali

Undi mukino muri Premier League wasubitswe kubera COVID-19

Yanditswe na: SAFARI Garcon
Taliki:30/12/2020 19:09
0

Nyuma y'imikino ibiri yari imaze gusubikwa muri shampiyona y'icyiciro cya mbere mu Bwongereza ndetse n'indi myinshi muri EFL, uwagombaga guhuza Fulham na Tottenham mu ijoro ryo kuri uyu wa gatatu, nawo wasubitswe kubera kuzamuka gukabije kw'abakinnyi banduye iki cyorezo gishya.



Uyu mwanzuro wafatiwe mu nama yahuje abashinzwe gutegura Premier League yateranye mu gitondo cyo kuri uyu wa gatatu, yanzura ko umukino usubikwa ukazakinwa ikindi gihe, nyuma yuka hari abakinnyi bari batangiye kugaragaza ibimenyetso, kandi n'umubare w'abanduye ukomeje kwiyongera uko bukeye n'uko bwijwe.

Kuri uyu wa Kabiri tariki 29 Ukuboza 2020, ibipimo byafashwe byagaragaje ko 18 barimo abakinnyi n'abagize Staff z'amakipe banduye COVID-19, uyu ukaba ariwo mubare munini w'abakinnyi benshi banduye iki cyorezo kuva uyu mwaka w'imikino watangira.

Abategura Premier League basobanuye ko Fulham ariyo yasabye ko uyu mukino usubikwa nyuma yuko bamwe mu bakinnyi bayo bagaragayemo abanduye COVID-19, ndetse hakaba hari n'abandi bagaragaje ibimenyetso byayo.

Mu butumwa Premier League yatanze yagize iti"Uko tugenda tubona umubare muke w'abanduye mu makipe menshi, Premier League ikomeje kugira icyizere ko abashinzwe gupima no kugenzura ibvya COVID-19 bikomeje ku buryo imikino ikomeza igakinwa uko yari ipanze".

Gusa bamwe mu batoza b'amakipe akina muri Premier League, batangiye kugira amakenga ndetse banasaba ko shampiyona yaba ihagaze gato mu rwego rwo kwirinda COVID-19.

Uyu mukino ubaye uwa gatatu usubitswe kuva uyu mwaka w'imikino watangira kubera COVID-19, nyuma y'uwari guhuza Aston Villa na Newcastle mu ntangiriro z'uku kwezi, ndetse n'uwari guhuza Manchester City na Everton ku wa mbere tariki ya 28 Ukuboza 2020.

Indi nkuru wasoma: Premier League: Abatoza basabye ko shampiyona ihagarara nyuma yuko umubare w'abakinnyi banduye COVID-19 wiyongereye

Umukino wagombaga gihuza Tottenham Hotspurs na Fulham wasubitswe kubera COVID-19





TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND