Kigali

Cristiano Ronaldo yegukanye igihembo gikomeye atsinze Messi na Ronaldinho

Yanditswe na: ISHIMWE Olivier Ba
Taliki:28/12/2020 8:34
0

Rutahizamu w'ikipe ya Juventus Cristiano Ronaldo yatowe nk'umukinnyi mwiza kuva mu 2001 kugeza mu 2020 atsinze Lionel Messi Mohamed Salah ndetse na Ronaldinho, ni igihembo gitangwa na Dubai Globe Soccer kigatangirwa i Dubayi.



Abantu bagera kuri 23 batoye uyu rutahizamo, bagendeye ku bikorwa yakoze harimo ibikombe 5 bya Champions League bine yatwaranye n'ikipe ya Real Madrid ndetse n'ikindi yatwaye ari muri Manchester United 2008. Hari kandi ibikombe 3 bya shampiyona yatwaranye na Manchester United 2007,2008, 2009. 

Ibikombe 2 bya shampiyona ya Esipagne, yafashije kandi ikipe y'igihugu ya Portugare kwegukana igikombe cy'Uburayi mu 2016 ubu akaba ari na Kapiteni w'iki gihugu amaze gutsindira ibitego 102 mu buzima bwe. Kuva yagera muri Juventus mu 2018 amaze gutwara ibikombe 2 bya Shampiyona ndetse anatsinda ibitego 81 mu mikino 103 amaze gukinira iyi kipe.


Cristiano Ronaldo yaje ari kumwe n'umugore we ndetse na Ronaldo muto

Amaze guhabwa iki gihembo, Ronaldo yashimiye cyane abamuteye ingabo mu bitugu ndetse avuga ko yiteguye gukomeza gukora cyane. Yagize ati "Ndashimira buri umwe wese wantoye, nkashimira umuryango wanjye, mama wanjye ndetse na bashiki banjye, ni agahigo gatangaje kandi kanyongerera imbaraga zo gukora cyane. Kuba umukinnyi mwiza ni iby'agaciro nizeye ko nzakomeza gukina indi myaka kubera ibi bihembo ngenda mbona nizera ko bizatuma nkomeza gukora cyane".

Usibye Cristiano Ronaldo hanahembwe ibindi byiciro bitandukanye, aho ikipe ya Real Madrid yabaye ikipe yitwaye neza kuva mu 2001-2020, Pep Guardiola aba umutoza mwiza kuva mu 2001-2020, Robert Lewandowski agirwa umukinnyi w'umwaka ndetse n'umutoza we Hans Dieter Flick agirwa umutoza w'umwaka.






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND