Kigali
-->

Phil Foden yagarutse mu ikipe y'igihugu y'u Bwongereza, Greenwood arenzwa ingohe nyuma y'ibyo yakoreye muri Iceland

Yanditswe na: SAFARI Garcon
Taliki:5/11/2020 18:07
0

Gareth Southgate utoza ikipe y'igihugu y'u Bwongereza, yongeye kugirira icyizere Phil Foden ukina mu kibuga hagati muri Manchester City, amuhamagara mu ikipe yitegura imikino itatu bitegura mu Ugushyingo, mu gihe Mason Greenwood wakoze amakosa ubwo yari mu mwiherero na bagenzi be muri Iceland akirukanwa, yongeye kurenzwa ingohe.



Foden wigaragaje cyane mu mikino Manchester City iheruka gukina, cyane cyane ko yanagiye atsindira iyi kipe aho rukomeye, byatumye umutoza w'ikipe y'igihugu yongera kumuhamagara kugira ngo aze gufasha Three Lions mu mikino itatu bitegura muri uku kwezi, harimo uwa Ireland, u Bubiligi na Iceland.

Mason Greenwood warenze ku mabwiriza yo kwirinda icyorezo cya Coronavirus, ubwo yari kumwe na bagenzi be mu mwiherero w'ikipe y'igihugu wabereye muri Iceland, ntabwo yahamagawe n'umutoza Southgate.

Rutahizamu Danny Ings na Kalvin Phillips ukina mu kibuga hagati ntibazagaragara muri iyi mikino ya UEFA Nations League kubera imvune. Reece James ukinira Chelsea wari wirengagijwe ku mukino wa Danemark, kuri iyi nshuro yahamagawe.

Tariki 12 Ugushyingo 2020, Ubwongereza buzakina na Republic of Ireland mu mukino wa gicuti, nyuma y'iminsi itatu kuri 15, berekeze mu Bubiligi gukina umukino na Diables Rouge y'u Bubiligi muri UEFA Nations League, nyuma y'iminsi itatu tariki ya 18 Ugushyingo 2020, u Bwongereza buzakira Iceland muri UEFA Nations League.

ABAKINNYI B'IKIPE Y'IGIHUGU Y'U BWONGEREZA BAHAMAGAWE:

Mu izamu: Jordan Pickford (Everton), Nick Pope (Burnley), Dean Henderson (Manchester United)

Mu Bwugarizi:Trent Alexander-Arnold (Liverpool), Ben Chilwell (Chelsea), Conor Coady (Wolves), Eric Dier (Tottenham), Joe Gomez (Liverpool), Reece James (Chelsea) Michael Keane (Everton), Harry Maguire (Manchester United), Ainsley Maitland-Niles (Arsenal), Tyrone Mings (Aston Villa), Bukayo Saka (Arsenal), Kieran Trippier (Atletico Madrid), Kyle Walker (Manchester City)

Mu Kibuga hagati:  Phil Foden (Manchester City) Jordan Henderson (Liverpool), Jack Grealish (Aston Villa), Mason Mount (Chelsea), Declan Rice (West Ham), James Ward-Prowse (Southampton), Harry Winks (Tottenham)

Mu Busatirizi: Tammy Abraham (Chelsea), Dominic Calvert-Lewin (Everton), Harry Kane (Tottenham), Marcus Rashford (Manchester United), Jadon Sancho (Borussia Dortmund), Raheem Sterling (Manchester City)

Foden yongeye kugaruka mu ikipe y'igihugu

Mason Greenwood ntiyongeye guhamagarwa n'umutoza Southgate nyuma yo kurenga ku mabwiriza yo kwirinda COVID-19





TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND