Ahabanza Imikino

Saka wa Arsenal, Sancho na Haaland muri 20 bahataniye European Golden Boy 2020

Yanditswe na: SAFARI Garcon
Taliki:15/10/2020 16:10 0

Bukayo Saka ukinira Arsenal, unamaze iminsi micye ahamagawe bwa mbere mu ikipe y'igihugu y'u Bwongereza, yatoranyijwe mu bakinnyi 20 bazahatanira igihembo cy'umukinnyi mwiza ukiri muto i Burayi, ahanganiye n'abarimo Jadon Sancho na Erling Haaland bakinira Borussia Dortmund yo mu Budage.

European Golden Boy award, ni igihembo gitangwa n'Ishyirahamwe ry'abanyamakuru b'i Burayi, gihabwa umukinnyi utarengeje imyaka 21, wigaragaje kurusha abandi, kandi ukina mu makipe akomeye yo ku mugabane w'i Burayi.

Ikinyamakuru cyo mu Butaliyani cyitwa Tuttosport, cyasohoye urutonde rw'abakinnyi 20 bazatoranywamo uwarushije abandi, akazatangazwa tariki ya 14 Ukuboza 2020, ari na bwo azahita ahembwa.

Lionel Messi, Paul Pogba, Kylian Mbappe na Matthijs de Ligt begukanye iki gihembo mu myaka yashize, icy'umwaka ushize cyegukanwe n'umunya-Portugal ukinira ikipe ya Atletico Madrid, Joao Felix, nyuma yo kugira umwaka udasanzwe w'imikino muri Benifica yakiniraga.

Mu 2019, Sancho yabaye uwa kabiri nyuma ya Joao Felix, mu gihe Halaand we yabaye uwa kane nyuma yo kwigaragaza cyane muri Red Bull Salzburg byanamuviriyemo kubengukwa na Dortmund.

Sancho kuri ubu afite agaciro ka Miliyoni 120 z'ama-Euros nyuma yo kwemeza ko agiye gukina undi mwaka mu Budage, na Halaand biravugwa ko yatangiye kunugwanugwa na Real Madrid nyuma yo gutsinda ibitego 21 mu mikino 23 ya mbere.

Ansu Fati wa FC Barcelona na Edouardo Camavinga nabo bari mu bahabwa amahirwe yo kwegukana iki gihembo.

URUTONDE RW'ABAKINNYI 20 BAHATANIYE IKI GIHEMBO:

Mitchel Bakker, PSG

Eduardo Camavinga, Rennes

Jonathan David, Lille

Alphonso Davies, Bayern Munich

Sergiño Dest, Barcelona

Fabio Silva, Wolves

Ansu Fati, Barcelono

Phil Foden, Manchester City

Ryan Gravenberch, Ajax

Mason Greenwood, Manchester United