Kigali

Nyuma y'imyaka 5 adahamagarwa, Saido yafashije u Burundi kwisasira ikipe y'igihugu ya Tanzania

Yanditswe na: ISHIMWE Olivier Ba
Taliki:11/10/2020 19:10
0

Umukino wa gishuti wahuzaga ikipe y'igihugu ya Tanzania n'ikipe y'igihugu y'a Barundi, warangiye u Burundi butsinze Tanzania igitego 1-0, igitego cyatsinzwe na Saido Ntibazonkiza ku munota 86.



Saido Ntibazonkiza kuva mu 2015 ntiyari agihamagarwa mu ikipe y'igihugu y'u Burundi Intambakurugamba kubera ikibazo cy'imyitwarire. Ku mukino we wa mbere yongeye guhamagarwa, akaba yatsindiye igihugu cye cy'amavuko igitego cyabonetse ku munota wa 87 ku ishoti yatereye hanze y'urubuga rwa nyezamu.


Abakinnyi babanjemo ku ruhande rw'Abarundi

Uyu mukino waje kugaragaramo, ikarita itukura ku mukinnyi wo hagati Jonas Mkude usanzwe ukinira ikipe y'igihugu ya Tanzania ndetse n'ikipe ya Simba, iyi karita yayibonye ku munota wa 78 w'umukino.

Ikipe y'igihugu y' u Burundi yatozwaga n'umutoza Jimmy Ndayizeye kuko umutoza mukuru Alain Olivier yari yakoze ubukwe kuri uyu wa Gatandatu tariki 10 Ukwakira 2020, bitamwemereraga kuboneka ku mukino.


Ikipe ya Tanzania ntabwo byayihiriye

Ubwo Intambakurugamba bahamagarwaga, Saido Ntibazonkiza nta kipe yari afite kuko mbere y'uko shampiyona y'u Burundi itangira, uyu rutahizamu w'imyaka 33 yari yatandukanye n'ikipe ya Vital'O.


Abakinnyi babanjemo ku ruhande rwa Tanzania





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND