Umuhanzi Ingabire Butera Jeanne wamamaye nka Knowless mu muziki, yashyize ahagaragara amashusho y’indirimbo yise ‘Day to Day’, yafatiwe mu Mujyi wa Mombasa mu gihugu cya Kenya.
Ibitekerezo bya benshi bashimye uburyo ikoze ndetse n’ubutumwa uyu muhanzikazi yakubiyemo. Uwitwa Keza Claire yagize ati “Iyi ndirimbo n’umuti ndakubwiye sinyihaga kuyumva kabsa harimo amagambo asobanutse ‘Day to day’
Knowless yabwiye INYARWANDA ko amashusho y’iyi ndirimbo ‘Day to day’ yasohotse kuri uyu wa kabiri tariki 14 Gicurasi 2019 yafashwe mu gihe cy’iminsi ine afatirwa mu ishyamba ndetse n'ikiyaga biri muri pariki yo muri Kenya i Mombasa.
Yavuze
ko nyuma y’iyi ndirimbo afite n’indi mishinga y’indirimbo ahugiyeho agomba
gushyira hanze mu minsi iri imbere.
KANDA HANO WUMVE INDIRIMBO 'DAY TO DAY' YA KNOWLESS
Mu ndirimbo ‘Day to day’ yakubiyemo ubutumwa bw’umuntu wakomeretse mu rukundo akongera kurusubiramo aho aba asaba mugenzi we(umukunzi we) kumwihanganira bitewe n’ibikomere bitarakira.
‘Day to
day’ yakoreye mu ngata indirimbo ‘Urugero’ yabanje gushyira hanze. Amashusho y’iyi
ndirimbo ‘Day to day’ yakozwe na Pose Films. Mu buryo bw’amajwi
yatunganyijwe na Producer Ishimwe Karake Clement wa Kina Music.
Knowless
ni umwe mu bahanzi babarizwa mu inzu ireberera inyungu z’abahanzi yitwa Kina
Music ahuriyemo na Tom Close, Dream Boys ndetse na Igor Mabano. Ari ku rutonde
rw’abahanzi begukanye irushanwa rya Primus Guma Guma Super Stars.
Knowless yasohoye amashusho y'indirimbo 'Day to day'
REBA HANO AMASHUSHO Y'INDIRIMBO 'DAY TO DAY' YA KNOWLESS BUTERA
Eng
RSS 
Knowless avuga ko nyuma y'iyi ndirimbo 'Day to day' hari indi mishinga agomba gukora
TANGA IGITECYEREZO