Aba bakobwa batanu bahataniye ikamba batangajwe nyuma y’uko abandi icumi bakuwemo. Bose bahawe umwanya basobanura byimbitse umushinga wa buri umwe. Bavuze mu rurimi rw’icyongereza bose.
Mu ijoro ry’uyu wa Gatandatu tariki 26 Mutarama 2019, abakobwa 15 bahuriye kuri Final ya Nyampinga w’u Rwanda w'umwaka wa 2019. Uretse Nyampinga w’u Rwanda, hanatowe kandi n’ibisonga bye bibiri ndetse na Nyampinga ukunzwe (Miss Popularity 2019). Abakobwa 5 ba mbere muri Miss Rwanda 2019 ntabwo harimo Mwiseneza Josiane wubatse izina muri iri rushanwa. Batanu ba mbere ni: Gaju Anita (Nimero 35), Nimwiza Meghan (Nimero 32), Ricca Michaella Kabahenda (Nimero 9), Uwihirwe Yasipi Casmir (Nimero 21) na Uwase Sangwa Odile (Nimero 16).
Abakobwa 5 ba mbere muri Miss Rwanda 2019
Imodoka yahawe umukobwa wegukanye ikamba rya Miss Rwanda 2019 yari yazanywe muri sallle yabereyemo ibirori. Iyi modoka ifite purake RAD 197X. Mu ijoro ry’uyu wa Gatandatu tariki 26 Mutarama 2019 ni bwo habaye igikorwa gikomeye cyo guhitamo umukobwa uhiga abandi uburanga, Umuco n’Ubwenge. Akanama nkemurampaka kiyambajwe Francine Uwera Havugimana, Rwabigwi Gilbert, Carine Rusaro, Miss Mutesi Jolly ndetse na Munyaneza James.
Eng
RSS 
TANGA IGITECYEREZO