Mu nyubako ya BK Arena hagiye kubera amasengesho asoza igicaniro cy’iminsi 21 yateguwe na Noble Family Church ifatanyije na Women Foundation Ministers iyoborwa na Apostle Mignonne Kabera.
Apostle Mignonne Alice Kabera niwe uzagabura ijambo ry’Imana mu isozwa ry’aya masengesho yiswe “21 Days of Prayer and Fasting” amaze iminsi abera Kimihurura kuri Womens Foundation Ministries.
Iki gicaniro cyatangiye tariki ya 13 Mutarama 2025, kizasorezwa muri BK Arena ku Cyumweru tariki 02 Gashyantare 2025, kandi kwinjira ni ubuntu. Ibi bihe byo kwihererana n’Imana binyuze mu gusenga no kwiyiriza ubusa, byahembuye benshi babashije kwitabira, bityo n'abatarabashije kwitabira barararitswe ku munsi wa nyuma w'aya masengesho.
Aya masengesho kandi azaba ari gucaho live kuri YouTube Channel ya Women Foundation Ministries.
Aya masengesho yateguwe na Noble Family Church ku bufatanye na Women Foundation Ministries, yashinzwe na Apostle Mignonne Alice Kabera ari nawe uzabwiriza muri aya materaniro. Azaba kuva Saa Yine za mu gitondo kugeza Saa Yine z'ijoro.
Mu butumwa bwa Women Foundation Ministries imaze kwamamara mu biterane binyuranye ngarukamwaka birangajwe imbere n'igiterane cy'abagore "All Women Together" cyanditse amateka yo kwitabirwa na Madamu Jeannette Kagame mu mwaka wa 2023, yagize iti, "Abagabo n'abagore bahawe ikaze".
Women Foundation Ministries, ifite kandi umwihariko w'ibiterane bimaze gushora imizi no kumenyekana cyane birimo: 7 Days of Worship; Umugore mu Ihema, umugabo mu marembo; Esther Operation; 12 Days of Crossover; Christmas Celebration; New Years Eve, n'ibindi.
Apostle Mignonne Alice Kabera niwe uzagabura ijambo ry'Imana muri aya materaniro
Eng
RSS 
TANGA IGITECYEREZO