Umuhanzikazi Bloody Civilian wari watangaje ku mugaragaro ko ari umutinganyi yamaze kwivuguruza

Kuwa 25 Mutarama 2025, umuhanzikazi w’icyamamare wo muri Nigeria, Emoseh Khamofu uzwi nka Bloody Civilian, anyuze ku rubuga rwa X yatangaje mu buryo butaziguye ko ari umutinganyi. 

Ni ibintu bidasanzwe kubona umuntu yihamiriza ku mugaragaro ko ari umutinganyi. Bloody yari yahamije ko atari umugabo cyangwa umugore ahubwo ko ari umutinganyi.

Icyakora nyuma y'amasaha macye abitangaje bigatigisa imbuga nkoranyambaga, kuri ubu yamaze kwivuguruza. Yanditse kuri X ko byari "agatwiko". Ati "Ntabwo ndi umutinganyi, nitwikiraga".

Bloody Civilian asanzwe abarizwa muri 0207 Def Jam, ishami rya Def Jam Recordings rikorera mu Bwongereza, akaba akunzwe hamwe n’umuraperi Odumodublvck. 

Muri 2024, Bloody Civilian na Wizkid bakoze indirimbo kuri Album ya Bob Marle "One Love" yahawe agaciro ndetse ikaba yarahawe igihembo cya Grammy mu cyiciro cya album y’indirimbo za Reggae. Ibi byatumye uyu muhanzikazi agaragarira isi.

Muri uwo mwaka wa 2024, Bloody Civilian yagaragaje ko Wizkid yagize uruhare rukomeye mu guhindura ubuzima bwe, nyuma y’uko Wizkid yishimiye ibikorwa bya Bloody Civilian abigaragaza kuri Instagram.

Kuri ubu Bloody Civilian azwi cyane mu ndirimbo “Blood on the Dancefloor” yakoranye na Odumodublvck muri 2024. Uyu muhanzikazi anyuze kuri X yari yanditse ko ari umutinganyi. Yagize ati: “Ndi umutinganyi koko. Ntabwo nshobora kubihisha ukundi."

Ibi byateje impaka zitandukanye, bamwe bashima ubutwari bwe bwo kugaragaza  ubuzima bwe bwite mu ruhame, abandi bagaragaza baramunenga. Ni inkuru yari yateje impaka muri Nigeria no ku isi muri rusange n'abatamuzi bmumenye. Gusa magingo aya yamaze kwivuguruza.

Bloody Civilian yari yatangaje ku mugaragaro ko ari umutinganyi