Abafana ba APR FC bishimiye uburyo ikipe yabo iri kwitwara mu mikino ya CECAFA ndetse n'uburyo iri kugura ku isoko.
Ikipe ya APR FC itangiye umwaka wa kabiri w'ikiragano kidasanzwe cyo kubaka izina mu mikino Nyafurika, nyuma yaho iyi kipe imaze kubona ko Ubwami bwo mu Rwanda ntawe babuhanganiye. Umwaka ushize w'imikino 2023-24 nibwo APR FC yagarutse ku kiragano cyo gukinisha ikipe irimo abakinnyi b'abanyahanga, gahunda yari imaze imyaka 10 ihagaritse.
Icyo gihe, APR FC yatangiranye imbaraga zikomeye ku isoko aho yazanye abakinnyi bakomeye barimo umunyezamu Pavelh Ndzila, Nshimirimana Pichou, Victor Mboama Taddeo Lwanga n'abandi batandukanye. Ubwo iyi kipe yatangira imyitozo irimo abakinnyi bashya, abafana benshi bari babukereye ndetse bishimiye kubona ikipe yabo mu isura nshya.
Abafana ba APR FC kuri ubu nubwo ikipe yabo itabari hafi ariko bari gukoranaho bakajya kuyirebe bishimye ndetse biteze umusaruro mwiza
Ntabwo
byatinze ikipe yatangiye imikino irimo shampiyona ndetse na CAF Champions
league ariko umusaruro ntabwo wagenze neza bigendanye n'ibyo ubuyobizi
bwashakaga.
Bimwe
mu byateye Umusaruro utari mwiza twavugamo nko kuba abakinnyi iyi kipe yari
yaraguze bari barigeze kugira amazina ariko bakaba batari bahagaze neza ubwo
bagurwaga.
Iyi
kipe kandi yagiye irakarirwa n'abafana cyane kubera umutoza wabo Thierry Froger
bashinjaga gukinisha abakinnyi nabi.
Umwaka wa kabiri w'ikiragano cyo guseka
mu bafana ba APR FC
Ubu
aho bigereye aha umuntu yavuga ko amata akiri kubyara amavuta ndetse n'abafana
bishimiye aho imirimo yo kubaka ikipe yabo igeze.
Kuri uyu wa Gatanu APR FC iracakirana na AL Hilal umukino abenshi bari kubara nk'igipimo kuri APR FC
Kuri
ubu, ikipe ya APR FC irimo kugura abakinnyi beza umuntu yavuga ko bavuye mu
makipe meza kandi bakinaga, bimwe mu bitanga ubwishingizi bw'icyizere ku bafana
b'ikipe. Muri aba bakinnyi twavuga nka
Alioum Souane, Mamadou Sy, Dauda ndetse na Lamptey ukomoka muri Ghana.
Ntabwo
ari abo bakinnyi gusa kuko iyi kipe yahinduye n'umutoza Thierry Froger
arashimirwa, bazana Darko Novic ndetse hongerwamo umutoza w'umunyarwanda Thierry
Hitimana.
CECAFA iri gutera akanyamuneza abafana
ba APR FC
Nyuma
y'iminsi yo kwakira amakuru y'abakinnyi ikipe iri kugura, abafana bahise
bakomereza mu mikino ya CECAFA Kagame Cup iri kubera muri Tanzania aho APR FC
itaratsindwa umukino n'umwe.
APR
FC yatangiye imikino ya CECAFA Kagame Cup itsinda Singida igitego 1-0
cyatsinzwe na Victor Mboama, umukino wa kabiri itsinda El Merreikh igitego 1-0
naho umukino wa gatatu banganya SC Villa yo muri Uganda igitego 1-1.
Iyi kipe yazamutse mu itsinda ari iya mbere ndetse ikaba izahura na Al Hilal yo muri Sudani kuri uyu wa Gatanu mu mikino ya 1/2.
Nubwo umutoza Darko ataratangira
gukoresha abakinnyi bakuru, ariko abafana banyuzwe n'uburyo abakinnyi bahari
bari basanzwe bongereye urwego ndetse ikipe iri gukina isatira.
Kuri uyu wa Gatatu APR FC yongeye gushimisha abafana bayo igura rutahizamu uca mu mpande ukomoka muri Nigeria witwa Johnson Chidiebele
APR FC kuva yatangira imikino ya CECAFA ntiratsindwa
TANGA IGITECYEREZO