Samuel Eto'o yafatiwe ibihano

Mu kwezi gushize kwa Kamena ni bwo uyu munyabigwi mu mupira w'amaguru yatumijweho n'akamama gashinzwe imyitwarire muri CAF kugira ngo yisobanure ku bijyanye n'ibyo yashinjwaga birimo kurya ruswa iwabo muri Cameroon.

Kuwa Kane ni bwo aka Kanama n'ubundi kari kamutumijeho ngo yisobanure, kamufatiye ibihano byo kumuca amafaranga ibihumbi 200 by'amadorari ya Amerika bitewe n'ibyaha yakoze.

Ibyaha Samuel Eto'o yahamijwe ni icyo kugena ibiva mu mikino ndetse no kurenga ku mahame y'imyitwarire no kutaba inyangamugayo.

Ikindi akanama gashinzwe imyitwarire muri CAF kasanze Samuel Eto'o hari amasezerano yagiranye na Kompanyi y'imikino y'amahirwe 'Betting' yo kuyibera Brand Ambassador kandi ibi bitemewe ku muntu w'umuyobozi.

Uyu munyabigwi wakiniye ikipe y'igihugu ya Cameroon, ntabwo yorohewe kuko ari no gusabirwa kwegura ku mwanya Perezida w'ishyirahamwe ry'umupira w'amaguru muri Cameroon dore ko haherutse kuvumburwa ko afite n'ubwenegihugu bwa Espagne kandi bitemewe kujya kuri uyu mwanya ufite ubwenegihugu bubiri.

Samuel Eto'o yanyuze mu makipe akomeye arimo FC Barcelona yamazemo imyaka 5 akanayandikiramo amateka aho yatwaranye nayo ibikombe bikomeye birimo 2 bya Champions League.

Samuel Eto'o yahawe ibihano byo gutanga ibihumbi 200 by'amadolari ya Amerika 

Samuel Eto'o wakiniye amakipe arimo FC Barcelona ntabwo yorohewe