Bayer Leverkusen yegukanye igikombe, umutoza yitirirwa umuhanda

Kuri iki Cyumweru nibwo mu gihugu cy'u Budage hakinwaga umukino wo ku munsi wa 29 wa Bundesliga. Ikipe ya Bayer Leverkusen yari yakiriye Werder Bremen kuri BayArena.

Iyi kipe itozwa na Xabi Alonso yasabwaga gutsinda uyu mukino ubundi ikegukana igikombe ndetse birangira inabibezeho itsinze ibitego 5-0.

Ni ibitego byatsinzwe na Victor Boniface ku munota wa 25 kuri penaliti,Granit Xhaka kuwa 60 ,Florian Witz kuwa 68,kuwa 83 ndetse n'uwa 90+1.

Iyi kipe ya Bayer Leverkusen yegukanye igikombe habura imikino 4 nyuma y'uko irushije amanota 16 FC Bayern Munich iyikurikiye ku rutonde rwa shampiyona. 

Ubwo bivuze ko muri iyi mikino yose isigaye,niyo Bayer Leverkusen yayitsindwa naho FC Bayern Munich ikayitsinda n'ubundi ntabwo yakuramo ikinyuranyo cy'amanota 16.

FC Bayer Leverkusen yegukanye iki gikombe cyayo cya mbere cya shampiyona mu mateka itaratsindwa umukino n'umwe mu mikino 43 imaze gukina muri uyu mwaka w'imikino.

Hari hashize imyaka 11 ikipe ya FC Bayern Munich ariyo yegukana igikombe cya shampiyona yikurikiranya dore ko indi kipe yaherukaga kunyuramo ari Borussia Dortmund yagitwaye muri 2012.

Mbere y'uko uyu mukino wo kwegukana igikombe uba, abafana ba Bayer Leverkusen bitiriye umutoza wabo Xabi Alonso umuhanda ugana kuri sitade ndetse banakora akarasisi mu buryo bwo ku kishimira.

Bayer Leverkusen yegukanye igikombe cya shampiyona y'icyiciro cya mbere mu Budage