Umwana ukiri muto akomeje gutuma isi icika ururondogoro bamwe bakanarota

Ubuhanga bwa Kobbie Maino Boateng bwagaragaraga muri Manchester United, ariko ubwo yahawe amahirwe yo kubanza mu mukino bwa mbere mu ikipe y'igihugu y'u Bwongereza, uwo mukino yahise aba umukinnyi mwiza w'umukino, ubwo bakinaga n'u Bubirigi.

Abakinnyi batandukanye, abatoza n'abanyamakuru bakomoka mu Bwongereza, bari guhuriza ku ngingo imwe ivuga ko Kobbie Maino ari umukinnyi udasanzwe ukina mu kibuga hagati. Ibi byagarutsweho na mugenzi we Jude Bellingham, umutoza Gareth Southgate, Gary Lineker na Ivan Toney bakinana mu Bwongereza.

Abakurikiranira hafi ikipe y'igihugu y'u Bwongereza, bavuga ko Kobbie Maino yongeyeye imbaraga mu kibuga hagati, bityo iyi kipe ikaba ifite amahirwe yo kwegukana Euro yubakiye umukino mu kibuga hagati.

Declan Rice, Kobbie Maino na Jude Bellingham nibo bakinnyi batatu bagiye kujya bakinana mu kibuga hagati mu ikipe y'igihugu y'u Bwongereza, benshi babona ko ari urukuta rwiza iyi kipe yubatse.

Jude Bellingham, Kobbie Maino na Declan Rice kandi bose baracyari bato, ku buryo bafite imyaka 15 yo kuba bakinana mu kibuga hagati mu ikipe y'igihugu y' u Bwongereza. Ibi bitanga amahirwe ku Bwongereza ko bushobora kuzatwara ibikombe byinshi.

Ibi abafana ba Manchester United babikunze banabitangariza ikinyamakuru United in focus, bavuga ko byaba byiza Jude Bellingham na Declan Rice baje kuri Old Trafford bagakinana na Maino muri Manchester United.

Kobbie Maino w'imyaka 18 y'amavuko, abandi bakoneje kumugereranya na Rodri Hernandez wa Manchester city. Umwe mu bakinnyi beza bamaze iminsi babica bigacika mu kibuga hagati.

Kobbie Maino yamaze gihindura isura y'u Bwongereza mu kibuga hagati 

Abarimo Gareth Southgate bahamya neza ko Kobbie Maino ari umukinnyi mwiza komeye mu gihe kizaza