Amavubi U18 yatahanye umwanya wa 4 muri CECAFA

Guhera tariki 25 Ugushingo kugeza kuri uyu wa gGatanu tariki 8 Ukuboza 2024 mu gihugu cya Kenya haberaga imikino ya CECAFA y'abatarengeje imyaka 18. 

Ikipe y'igihugu y'u Rwanda ni imwe mu makipe 8 yari yaritabiriye ndetse initwara neza igeraho ikatisha itike ya 1/2 ariko birangira itsinzwe na Uganda igitego 1-0.

Nyuma yo gutsindwa,kuri uyu wa Gatanu Saa yine kuri Jomo Kenyatta Stadium, Amavubi yakinnye na Tanzania bahatanira umwanya wa 3 ariko birangira atsinzwe ibitego 3-1.

Ibi bitego bitatu bya Tanzania byatsinzwe na Said Said ndetse na Zidane Ally naho igitego kimwe cy'Amavubi gitsindwa na Ndayishimiye Didier.

Ubwo bivuze ko ikipe y'igihugu y'u Rwanda, Amavubi yatahanye umwanya wa 4 mu makipe 8 yari yaritabiriye, umukino wa nyuma uri bube saa Saba n'iminota 30 ukaba uri buhuze ikipe y'igihugu ya Uganda na Kenya.

Ikipe y'igihugu y'u Rwanda, Amavubi y'abatarengeje imyaka 18 yatsinzwe na Tanzania atahana umwanya wa 4