Uko abarimo Umugore wa Meddy ,Miss Muheto na Sherrie Silver bizihije umunsi w’ababyeyi b’abagabo

Umunsi w’ababyeyi b’abagabo wizihizwa ku Isi mu bice bitandukanye ku itariki zitandukanye ariko by’umwihariko ku bagendera ku mico n’imibereho yo mu Burengerazuba bw’Isi bizihije uyu munsi ku wa 18 Kamena 2023.

Kikaba ari igihe cyashyizweho mu rwego rwo guha agaciro ababyeyi b’abagabo mu gisobanuro gitangwa kuri uyu munsi ukaba atari uwababyaye ahubwo ni igihe cyo gutekereza kuzirikana no gushimira abakora inshingano z’ababyeyi b’abagabo bose.

Urugero uyu munsi bamwe bawizihiza bashimira abavandimwe babo, ababyeyi b’abagore, abagabo babo kuko babona bafite uruhare rukomeye mu buzima bwabo rungana n'urwa ba Se, abandi basingiza ubutwari bwaba se bagifite cyangwa bitabye Imana.

Bamwe mu byamamare nyarwanda bakaba bifatanije n'isi yose mu kwizihiza uyu munsi ,umwe muri abo ni umubyinnyi wabigize umwuga Sherrie Silver utarabashije guhura na Se kuko yishwe uyu mukobwa abura gato ngo avuke.

Ariko yamuzirikanye amubwira nk’uwizeye ko amwumva mu butumwa bwe Sherrie Silver yagize ati”Uyu munsi ni umunsi w’ababyeyi b’abagabo. Sinigize mpura na data kuko yishwe mbura ukwezi ngo mvuke. Ariko nakubwira ko Yesu yambereye data ntabwo nigeze nigunga.”

Undi wafashe umwanya wo kuzirikana Se umubyara ni Miss Rwanda 2022 Nshuti Divine Muheto wagize ati”Umunsi mwiza w’ababyeyi b’abagabo Data, ndagukunda cyane.” 

 Mutabazi Isingizwe Sabine wageze mu bakobwa batanu bavuyemo Miss Rwanda 2022 yazirikanye uwamwibarutse ati”Umunsi mwiza w’ababyeyi b’abagabo ku nshuti yanjye magara.”

Mimi Mehfira na we yazirikanye umugabo we Meddy ati”Umunsi mwiza w’ababyeyi b’ababagabo kuri uyu mugabo w'agatangaza unahuza na roho yanjye turagukunda mubyeyi wacu.”

Umugore wa Tom Close na we yerekanye ko akumbuye cyane Se umubyara witabye Imana ati”Ndagukumbuye Papa nararize ubwo watabarukaga n'ubu ndacyarira nubwo bwose ngukunda mukundwa sinabashije gutuma tugumana.”

Akomeza agaragaza ko Se yari umuntu w'agaciro kandi ugira umutima mwiza mbega asobanura ibituma ahora amukumbuye. Ni umunsi wizihijwe na benshi aho bagiye bashyira hanze ubutumwa bushimira umubyeyi w’umugabo n’uruhare agira mu mibereho ya muntu.Sherrie Silver yandikiye se atigeze abona amubwira ko Yesu yabaye aho atari Miss Muheto yabwiye se ko amukunda cyane anamwifuriza umunsi mwizaSabine Mutabazi [Nemutv] yakomoje ku bucuti bukomeye afitanye na se Tricia Close umugore wa Tom Close yongeye gushengurwa n'urupfu rwa se watabarutse agaragaza ko amukumbuyeMimi Mehfira yazirikanye umugabo we Meddy bafitanye umwana w'umukobwa amushimira kuba ari umubyeyi mwiza anamushimangira ko amukunda by'akataraboneka