Buri gihe uko Zuena yizihije isabukuru y’amavuko umugabo we Bebe Cool ashyira hanze ubutumwa bwihariye amutaka ubwiza, yongera kandi kumuhamiriza ko amukunda kandi cyane kurusha mbere.
Nk’uko bisanzwe uyu mugabo abinyujije ku mbuga nkoranyambaga ze yatakagije
umugore we mu magambo meza, avuga ko yumva barahuye ejo hashize kandi ko asaba
ko byibuze bakomeza kubana mu gihe kingana n’indi myaka 100.
Ati: “Nkumenye haciyeho imyaka irenga 20 ariko umunsi ku wundi utuma
buri gihe mpora numva twarahuye ejo hashize, uko iminsi yicuma ngenda mbona uba
muto kandi w’igikundiro.”
Yongeraho ati: “Imana imbajije ikintu kimwe nibura mu buzima bwanjye, nasaba indi myaka 100 ndi kumwe na we. Isabukuru nziza umwiza wanjye.” Zuena kandi na we akaba yashyize hanze ubutumwa bw’amafoto, abuherekesha amagambo meza y’urukundo agira ati: “Iminsi 365 nzengura isi. Kuba uyu munsi nakwishima ni ibintu byoroshye cyane. Imana ihabwe icyubahiro.”
Uretse kandi kuba Zuena Kirema Ssali ari umugore wa Bebe Cool, yigeza
guhatanira ikamba rya Nyampinga wa Uganda, yanyuze kandi mu itangazamakuru
ndetse kuri ubu ari mu bagore b’abashabitsi bihagazeho.
Mu gisekuru cye harimo amaraso y’abanyarwanda, bivuze ku
ruhande rwa se dore ko nyina we ari umwarabukazi.
Kuri ubu Bebe Cool na Zuena bafitanye abana bagera kuri batanu.Zuena ni umwe mu bagore bafite izina rikomeye, igisekuru cye kikaba kirimo n'u Rwanda ku ruhande rwa se
Bebe Cool yumva nta kindi kintu yasaba Imana kirenze kuba yamara indi myaka byibuze ijana n'umugore
Muri Nzeri 2003 ni bwo Bebe Cool yiyemeje kubana akaramata na Zuena kuri ubu bafitanye abana batanu
Ifoto y'urwibutso ya Zuena na Perezida Yoweri Museveni
Perezida Museveni akaba ari inshuti y’akadasohoka y'umuryango wa Bebe Cool
Amwe mu mafoto Zuena yashyize hanze mu kwizihiza isabukuru y'amavuko
TANGA IGITECYEREZO