Umukobwa wa Bill Gates witegura kwibaruka yakorewe ibirori bya 'Baby Shower'-AMAFOTO

Hashize ukwezi kumwe gusa Jennifer Gates umukobwa w'umuherwe Bill Gates na Melinda Gates atangaje ko yitegura kwibaruka imfura ye n'umugabo we Nayel Nassar ukomoka mu Misiri bamaze umwaka umwe barushinze. Kuri ubu Jennfier Gates witegura kuba umubyeyi yakorewe ibirori bya 'Baby Shower'.

Jennifer Gates aherutse gutangaza ko we n'umugabo we Nayel Nassar bitegura kwibaruka imfura yabo

Jennifer Gates ubura igihe gito akibaruka yakorewe ibirori bya 'Baby Shower'

Nk'uko Jennifer Gates yabisangije abamukurikira kuri Instagram, yerekanye amafoto yaranze ibirori yakorewe bya Baby Shower ahishura ko yishimye cyane ndetse anashimira inshuti n'umuryango we wagize uruhare mu kumutegurira ibi birori byari bibereye ijisho.

Ni uku Jennifer Gates yaserutse mu birori bya Baby Shower ye

Jennifer Gates yishimanye n'inshuti ze zamuteguriye ibirori bya 'Baby Shower'

Melinda Gates yitabiriye ibirori bya Baby Shower y'umukobwa we ugiye kumuha umwuzukuru

Uko byari byifashe muri Baby Shower ya Jennifer Gates

Mu bitabiriye ibi birori harimo na Nyina Melinda Gates wari ufite akanyamuneza yishimira ko umukobwa we agiye kumuha umwuzukuru. Jennifer Gates w'imyaka 26 niwe mwana wa mbere w'umuherwe Bill Gates ugiye kumubyarira umwuzukuru dore ko yari asanzwe ntawe afite.

Akamwenyu ni kose kuri Jennifer Gates wakorewe ibirori bya 'Baby Shower'.