Tiffany Trump umukobwa wa Donald Trump witegura kurushinga n'umukunzi we Michael Boulos, yakorewe ibirori bisezera ku bukumi bizwi nka 'Bridal Shower' mu ndimi z'amahanga.
Umukobwa wa Donald Trump witwa Tiffany Trump akaba umwana we wa gatatu yabyaraye n'umugore we wa kabiri witwa Marla Maples, ari mu byishimo bikomeye nyuma y’aho akorewe ibirori bisezera ku bukumi bizwi nka 'Bridal Shower'. Ibi birori byateguwe n'umuvandimwe we mukuru Ivanka Trump, nk’uko Daily Mail yabitangaje.
Tiffany Trump ugiye kurushinga n'umukunzi we Michael Boulos yakorewe ibirori bya Bridal Shower.
Ibirori bya Bridal Shower bya Tiffany Trump witegura kurushinga n'umukunzi we Michael Boulos, byabereye mu rugo rwa mukuru we Ivanka Trump ruherereye mu mujyi wa Florida. Mu mafoto Ivanka Trump yashyize ku mbuga nkoranyambaga ze, yatangaje ko yishimiye gukorera Bridal Shower murumuna we ndetse anerekana uko byari byifashe.
Tiffany Trump yasezeye ku bukumi ari kumwe na mukuru we Ivanka Trump hamwe na muramukazi we Lera Lea Trump.
Nyina wa Tiffany Trump ari mu bitabiriye ibirori bye bisezera ku bukumi.
Daily Mail yatangaje ko abo mu muryango wa Donald Trump bitabiriye ibi birori barimo Nyina wa Tiffany Trump, umugore w'umuhungu w'imfura wa Donald Trump witwa Kimberly Guilfoyle. Lara Lea Trump nawe kandi yari yitabiriye ibi birori ari kumwe n'umukobwa we.
Ni uku byari byifashe mu birori bya Bridal Shower ya Tiffany Trump.
Hashize umwaka n'igice Michael Boulos yambitse impeta y'urukundo Tiffany Trump.
Tiffany Trump na Michael Boulos bagiye kurushinga bamaranye imyaka 6 bakundana.
Tiffany Trump w'imyaka 29 y'amavuko akorewe ibi birori mu gihe habura iminsi itanu gusa akarushinga na Michael Boulos w'imyaka 27. Ubukwe bwabo bukazaba ku itariki 12/11/2022. Tiffany Trump na Michael Boulos bagiye kurushinga bari bamaze umwaka n'igice Michael yambitse impeta y'urukundo Tiffany. Aba bombi kandi bamaze imyaka 6 mu munyenga w'urukundo.
Eng
RSS 
TANGA IGITECYEREZO