Imiterere ya Uwicyeza Pamella yongeye gukangaranya imbaga-AMAFOTO

Mu butumwa Uwicyeza Pamella yashyize hanze, yagize ati:”Ndishimye bakuru banjye.”

Aya magambo yari ahekejwe n’amafoto meza agaragaza Pamella yambaye ikanzu y’iroza, ifite umwihariko ujya kumera nk’uwa gakondo ya Uganda yambitswe n’iduka rya The Closet Rwanda.

Hari n’ayandi kandi ari kumwe na bakuru be nk’uko yabivuze, bambaye amakanzu nabo meza umwe iyo mu ibara rya orange undi iry’icyatsi.

Abantu bahise batangira gushyiraho ubutumwa, ku ikubitiro The Ben baheruka gusezerana imbere y’amategeko wamweretse ko yanyuzwe n’uko yambaye.

Abandi nabo bamweretse urukundo rw’igisagirane barimo uwitwa Jacqueline byarenze, akagira ati:”Usa n’Imana.”

Uwitwa Rachel na we yunzemo ati:”Kami uteye nk’imana.”

Hari n’abandi benshi bakomeje kugaragaza ko baryohewe n’ibihe yabasangije, barimo nk’uwagize ati:”Ubwiza bubari mu maraso.”

Undi nawe agaragaza ati:”Umbwirire abavandimwe bawe ko mbakunda cyane.”

Kuwa 31 Kanama 2022 bikaba aribwo Uwicyeza Pamella na The Ben basezeranye mu mategeko, nyuma y’uko mu Ukwakira 2021 aribwo The Ben yari yambitse impeta y’integuza Uwicyeza Pamella, mu muhango bakoreye mu murwa wa Maldives.

Muri 2019 ni bwo urukundo rw’aba bombi rwatangiye kuvugwa, bikaba byitezwe ko mu bihe bya vuba bazereka imiryango n’inshuti ibirori bisigaye maze bakabana akaramata.Kuva yakwitabira Miss Rwanda 2019 imiterere ye yahogoje benshi ariko The Ben atsindira umutima weAri mu banyamideli n'abahangamideli bahagaze neza mu Rwanda noneUretse ubwiza abamuzi bemeza ko agira n'urugwiro rutangajeUwicyeza Pamella na mukuru weAbabonye bavuze ko ubwiza bubatemba mu maraso The Ben yamaze kwemeza ko we na Uwicyeza Pamella bazatura muri Leta Zunze Ubumwe z'Amerika