Kuri iki cyumweru tariki ya 24 Mutarama 2021, nibwo ikipe ya Simba SC yo muri Tanzania yerekanye Umufaransa Didier Gomes Da Rosa nk'umutoza wayo mushya nyuma yo gutandukana na Vandenbroeck uheruka kwerekeza muri FAR Rabat yo muri Maroc.
Gomes akaba yasinye amasezerano y'imyaka ibiri muri iyi kipe ikunzwe cyane muri Tanzania, akaba yahawe inshingano zo kuyobora iyi kipe ikitwara neza mu mikino y'amatsinda ya CAF Champions league ndetse no kwitwara neza imbere mu gihugu bakegukana ibikombe bitandukanye birimo na shampiyona.
Uyu mutoza w’imyaka 49 y’amavuko, unafite ubwenegihugu bwa Portugal, yageze muri Simba avuye muri EL Merreikh yo muri Sudani, akaba asimbuye Vandenbroeck uheruka gusezera muri iyi kipe agahita asinyira ikipe ya gisirikare muri Maroc ya FAR Rabat.
Gomes Da Rosa, watoje Rayon Sports akayihesha igikombe cya shampiyona mu mwaka w’imikino wa 2012-2013, yagizwe umutoza mukuru wa Simba SC aho agiye gutangirana na gahunda y’imikino y’amatsinda ya TOTAL CAF Champions League 2020-2021.
Uretse Rayon Sports, Gomes yatoje amakipe atandukanye akomeye muri Afurika arimo Coton Sport de Garoua yo muri Cameroun ayihesha igikombe mu mwaka wa 2014 na 2015, ndetse ayigeza muri 1/2 muri CAF Confederations Cup, yanatoje kandi Horoya yo muri Guinea,CS Constantine,Ismaily yo mu Misiri na El Merreikh yo muri Sudani.
Gomes niwe ugiye gutoza Simba SC mu myaka ibiri iri imbere
Eng
RSS 
TANGA IGITECYEREZO