HUYE: Iradukunda Bertrand na Mutebi Rachid bafashije Mukura VS kunyagira Heroes FC-AMAFOTO

Iradukunda Bertrand wari umaze amasaha macye asinyiye Mukura Victory Sport, yafunguye amazamu ku munota wa cyenda w'umukino (9') akoresheje umutwe. Ibitego bibiri bisigaye byatsinzwe na Rachid Mutebi (47', 85') wari waje mu gice cya kabiri azananye n'indi kipe nshya kuko Mukura VS bakinnye bagabanyijwemo amakipe abiri.

Iradukunda Bertrand yishimira igitego

Muri uyu mukino, Haringingo Francis Christian umutoza mukuru wa Mukura VS yari yahisemo kubanzamo ikipe isa naho ari iya mbere ku kigero cya 80% kuko Rwabugiri Omar yari mu izamu, mu bwugarizi harimo Mutijima Janvier, Rugirayabo Hassan, Iragire Saidi na Nshimiyimana David.

Imbere y'abugarira hari hashyizwe Duhayindavyi Gael akorana na Nkomezi Alex bityo Ciza Hussein akabajya imbere akina inyuma ya Iradukunda Bertrand. Imbere ahagana ibumoso hakinaga Twizerimana Onesme wanahinduranyaga na Iradukunda Bertrand bityo iburyo hagaca Munezero Dieudonne.

Twizerimana Onesme yagerageje uburyo bw'igitego biranga

Nizeyimana Olivier Perezida wa Mukura VS areba umukino

Imodoka ye irahenze kuko ntiyajya munsi ya miliyoni 200 z'amafaranga y'u Rwanda

Abatoza b'amakipe yombi basuhuzanya 

Muri iki gice, ntabwo Mukura VS yabonye uburyo bwo gutera mu izamu kuko abakinnyi ba Heroes FC bakinaga umupira wo guhanahana ariko batarenga urubuga rw'amahina rwa Mukura VS ari nabyo byatumye basoza iki gice butandukanyijwe n'igitego kimwe.

Mu gice cya kabiri, Museveni Robert umutoza mukuru wa Heroes FC ntabwo yakoze impinduka nyinshi mu minota ya mbere mu gihe Mukura VS bahinduye ikipe bagasigamo Nkomezi Alex. Nyuma yuko Mukura VS yari imaze kubona imbaraga nshya, ni bwo Heroes FC yahise yinjizwa ibitego bibiri muri iki gice.

Intebe y'abatoza ba Heroes FC

Mutijima Janvier umwe mu bakinnyi bashya Mukura VS wavuye muri AS Kigali

Twizerimana Onesme (9) agera uburyo yabonamo umupira 

Rugirayabo Hassan myugariro wa Mukura VS ashaka inzira

Iradukunda Jean Bertrand umukinnyi wari umeze neza muri uyu mukino

Clement UMunyezamu wa Heroes FC yahuye n'akazi gakomeye

Heroes FC nayo ni ikipe ifite abakinnyi ubona bafite impano n'ibyo bakina uba ubona biboneka 

Ciza Hussein wanahamagawe mu Mavubi ni umukinnyi ukomeye muri Mukura VS

Museveni Robert umutoza mukuru wa Heroes Fc agira inama abakinnyi

11 ba Heroes FC babanje mu kibuga

11 ba Mukura Victory Sport babanje mu kibuga

PHOTOS: Saddam MIHIGO (Inyarwanda.com)