RFL
Kigali

UCL: Amateka n’uduhigo, Menya byinshi ku mukino ugiye guhuza Paris St-Germain na Atalanta

Yanditswe na: ISHIMWE Olivier Ba
Taliki:12/08/2020 11:26
0


Mu ijoro ryo kuri uyu wa gatatu tariki 12 Kanama 2020, biraba ari ibicika kuri Estádio da Luz muri Portugal, ahateganyijwe umukino wa ¼ muri UEFA Champions League hagati y’ikipe ya Paris St-Germain na Atalanta mu mukino uhishe byinshi.



Estádio da LuzNyuma yaho Ishyirahamwe ry’umupira w’amakuru ku mugabane w’ I Burayi ryemeje ko imikino yose ya champions league isigaye, igomba kubera muri Portugal, muri iri joro nibwo umukino wa mbere muri ¼ uza kuba witezweho byinshi, umukino w’amateka ku mpande zombi. Mbere y’uko uyu mukino uba, hari byinshi ugomba kumenya.

Paris St-Germain na Atalanta, uraba ariwo mukino wa mbere hagati y’amakipe yombi dore ko inshuro imwe Atalanta yahuye n’ikipe yo mu Bufaransa byari mu mwaka w’imikino 2017/2018.

Paris Saint-Germain ntiratsinda umukino n’umwe yahuye n’ikipe yo mu Butaliyani dore ko mu mikino itandatu yatsinzwe imikino ibiri ikanganya imikino ine kandi iyi mikino yose yinjijwe igitego.

Mu mezi atanu ikipe ya Paris Saint-Germain imaze gukinamo imikino ibiri gusa y’irushanwa, mu gihe Atalanta imaze gukina imikino 13 itsindamo icyenda inganya itatu itsindwa umwe.

Atalanta niyo kipe ya mbere yo mu Butaliyani kuva mu mwaka w’imikino 1999/2000 igeze mu mikino ya ¼ yaratsinzwe imikino itatu ibanza yo mu matsinda.

Paris Saint-Germain imaze gutsinda igitego mu mikino 32 iheruka kikaba aricyo gihe kinini ikipe imaze itsinda igitego kuri buri mukino ubwo iheruka kuva mu mukino idatsinze igitego, yari yahuye na Manchester city mu mwaka w’imikino wa 2015/16.

Josip IIicic amaze gutsindira ikipe ya Atalanta ibitego bitanu muri champions league akaba ari nawe umaze gutsinda penaliti nyinshi {eshatu} muri uyu mwaka w’imikino.

Neymar amaze gutsinda ibitego 12 mu mikino 16 yo gukuranamo (knockout games) usibye Cristiano Ronaldo ufite ibitego 33 Messi ufite 16 ndetse na Lewandowski ufite ibitego 14, nta wundi mukinnyi urusha ibitego Neymar kuri uru rwego.


Neymar yiteguye gutsinda Atalanta


Atalanta fc ikipe igihagarariye U Butaliyani


Estadio de Luz niyo stade iza kwakira uyu mukino.







TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND