Airtel Rwanda
Kigali

Cristiano yaciye agahigo ko gutsinda ibitego byinshi mu mikino micye mu mateka ya Shampiyona y’u Butaliyani

Yanditswe na: SAFARI Garcon
Taliki:21/07/2020 15:34
0

Umunyabigwi mu mupira w’amaguru ku Isi, ukomoka muri Portugal ukinira ikipe ya Juventus de Turin, Cristiano Ronaldo, yabaye umukinnyi wa mbere utsinze ibitego 50 mu gihe gito mu mateka ya shampiyona y’u Butaliyani izwi nka Serie A.



Mu mukino wa shampiyona Juventus yatsinzemo Lozio ibitego 2-1, byombi byatsinzwe na Cristiano, byatumye uyu rutahizamu agira ibitego 51, ahita aca agahigo ko gutsinda ibitego byinshi mu gihe gito mu mateka ya Serie A.

Cristiano yatsinze igitego cya mbere kuri penaliti, icya kabiri agitsinda ku mupira yaherejwe na Paulo Dybala mu gihe icya Lazio cyatsinzwe na Ciro Immobile nacyo kuri penaliti.

Gutsinda uyu mukino byatumye Juventus igira amanota 80, irarusha amanota umunani Inter Milan ya kabiri n’amanota 72.

Cristiano Ronaldo ari mu bahatanira urukweto rwa zahabu ruhabwa umukinnyi watsinze ibitego byinshi mu mwaka w’imikino muri shampiyona eshanu zikomeye ku mugabane w’u Burayi, akaba ari we mukinnyi wa Juventus waba uruhawe kuva iki gihembo cyegukanywe na Alessandro del Piero mu mwaka w’imikino wa 2007/08.

Muri Shampiyona eshatu zikomeye amaze gukinamo, Cristiano Ronaldo yatsinze ibitego 84 mu mikino 196 yakiniyemo Manchester United muri Premier League, ibitego 311 mu mikino 292 yakiniyemo Real Madrid muri La Liga n’ibitego 51 mu mikino 61 amaze gukinira Juventus muri Serie A.

Cristiano Ronaldo yabaye kandi umukinnyi wa gatatu watsinze ibitego 30 muri Serie A, aherutse kandi guca agahigo ko kuba umunya Portugal wa mbere watsinze ibitego byinshi muri shampiyona y’u Butaliyani.

Cristiano Ronaldo yaciye agahigo ko gutsinda ibitego 50 mu gihe gito muri Serie A

Tags:




TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND