Ijoro ryo kuri uyu wa Gatandatu tariki 29 Gashyantare 2020, ryabaye ijoro ry’agahinda n’umubabaro ku bakinnyi, abatoza, abafana ndetse n’abakunzi ba Liverpool, nyuma yo gutsindwa bwa mbere muri uyu mwaka w’imikino, inaba inshuro ya mbere itsinzwe mu mikino 44 iheruka gukina, mu mukino yanyagiwemo na Watford ibitego 3-0.
Ikipe
ya Watford yari mu makipe ahagaze nabi ku rutonde rwa shampiyona kuko yari mu
makipe yamanuka mu cyiciro cya kabiri yakoze ibyo benshi batatekerezaga
ihagarika umuvuduko wa Liverpool yari imaze imikino 44 muri shampiyo
itaratsindwa na rimwe.
Liverpool
yari yerekeje ku kibuga Vicarage Road ihabwa amahirwe yo kuhakura intsinzi ku
buryo bworoshye kubera ko yari ifite abakinnyi bayo bose, kandi Watford yari
ikipe iciriritse imbere ya Liverpool bijyanye n’uburyo ihagaze, Gusa ariko yahahuriye
n’uruva gusenya kuko yahatsindiwe ibitego 3-0 byose byinjiye mu gice cya kabiri
cy’umukino.
Mu
mikino 8 Liverpool iheruka gukina na Watford yatsinzemo 7 inganya umwe, gusa Watford
yagaragaje ko iby’umupira bibarwa nyuma y’iminota 90.
Igice
cya mbere cy’uyu mukino cyarangiye Liverpool iteye mu izamu inshuro imwe gusa ibintu
byari bibaye ku nshuro ya kabiri gusa mu mikino 172 Jurgen Klopp yatoje muri
Premier League, ubuheruka ni muri 2017 bahura na Chelsea.
Watford
yafunguye amazamu ku munota wa 54 ku gitego cyatsinzwe n’Umunya Senegal,
Ismaila Sarr ku mupira mwiza yahawe na Abdoulaye Doucoure.
Ku
munota wa 60 uyu munya Senegal yatsinze igitego cya kabiri ku mupira mwiza
yahawe na Troy Deeney bituma Liverpool iva mu mukino burundu.
Watford
yatsinze igitego cya 3 ku munota wa 72 ibifashijwemo naTroy Deeney ku mupira
mwiza yahawe na Ismaila Sarr.
Gutsinda
uyu mukino byafashije Watford kuva mu makipe 3 amanuka nubwo iganya na Bournemouth
ya 18 amanota 27.
Umunya-Senegal
Ismail Sarr watsinze ibitego bibiri muri bitatu batsinze Liverpool, akanahusha
ibindi byinshi niwe watowe nk’umukinnyi wigaragaje kurusha abandi kuri uyu
mukino.
Liverpool
yananiwe gukuraho agahigo ka Arsenal yamaze imikino 49 idatsindwa, gusa ikaba
igifite intego yo gukuraho aka Manchester City ko kurenza amanota 100 muri
Premier League.
Nubwo
Liverpool yatsinzwe niyo igifite amahirwe menshi yo gutwara Premier League
y’uyu mwaka kuko ifite amanota 79 mu gihe Manchester City iyikurikiye ifite 57.
Liverpool
yaherukaga gutsindwa muri Premier eague muri Mutarama 2019 na Manchester City
ibitego 2-1.
Abafana ba Watford bari bitabiriye uyu mukino ku bwinshi
Troy na Sarr bababaje bikomeye Liverpool
Ismail Sarr yatsinze ibitego bibiri muri uyu mukino
Byari ibyishimo bikomeye cyane ku kibuga Vicarage Road
Ismail Sarr
Salah yagerageje uburyo ariko biranga
Firimino yatunguwe no kunyagirwa na Watford
TANGA IGITECYEREZO