Airtel Rwanda
Kigali

TFF yamaze gufatira ibihano rutahizamu Meddie Kagere - AMAFOTO

Yanditswe na: SAFARI Garcon
Taliki:26/02/2020 13:46
0

Ishyirahamwe ry’umupira w’amaguru muri Tanzania (TFF), ryamaze guhanisha rutahizamu w’ikipe y’igihugu Amavubi ndetse na Simba SC, Kagere Meddi, e kwishyura ibimbi 500 by’amashilingi ya Tanzania kubera ikosa yakoreye umukinnyi wa Tanzania Prisons mu mpera z’umwaka ushize.



Mu itangazo ryasohowe n’ishyirahamwe ry’umupira w’amaguru muri Tanzania (TFF), ryatangaje ko uyu rutahizamu w’umunyarwanda ategetswe kwishyura amashilingi ya Tanzania ibihumbi 500 kubera inkokora yakubise myugariro wa Tanzania Prisons Michael Ismail, ku mukino wa Simba SC na Tanzania Prisons muri shampiyona y’umupira w’amaguru muri Tanzania.

Kagere yakoze iryo kosa umukino ugana ku musozo, kuko bari bageze ku munota wa 83, maze Kagere washakaga igitego ahitamo gukubita inkokora myugariro wa Tanzania Prisons Michael Ismail.

Ishyirahamwe ry’umupira w’amaguru muri Tanzania ryicaye risuzuma iri kosa Kagere yakoze kuri uyu mukino wakinwe tariki ya 01 Ugushyingo 2019, ubera  kuri Uwanja wa Taifa, isanga agomba gufatirwa ibihano kubera ko yabikoze yabigambiriye.

Ntabwo ari Kagere gusa wahanwe, kuko na myugariro w’iyi kipe bakinana Pascal Wawa yahagaritswe imikino 3 kubera gukandagira nkana Ditram Nchimbi ukinira Yanga Africans ubwo mu mukino wa Derby wabaye tariki ya 04 Mutarama 2020.

Simba SCihabwa amahirwe menshi yo kwegukana igikombe cya shampiyona cy’uyu mwaka iracyayoboye  urutonde rwa shampiyona n’amanota 62 mu mukino 24, Meddie Kagere akaba amaze kuyitsindira ibitego 14 muri uyu mwaka w’imikino.


Itangazo ryasohowe n'ishyirahamwe ry'umupira w'amaguru muri Tanzania rimenyesha ibihano bya Kagere


Kagere ni umwe mu bakinnyi bafatiye runini Simba SC


Kagere amaze gutsinda ibitego 14 muri uyu mwaka w'imikino


Simba SC ya Kagere niyo iyoboye urutonde rwa shampiyona





TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND