RFL
Kigali

RDC: Abakozi batatu bakora mu bikorwa byo kurwanya Ebola bishwe

Yanditswe na: Liliane Kaliza
Taliki:28/11/2019 10:54
0

Abakozi batatu bakora mu bikorwa byo kurwanya Ebola biciwe mu gace ka Ituri muri DR Congo mu ijoro ryakeye, biravugwa ko bishwe n’inyeshyamba za Mai-Mai.



Abishwe barimo umushoferi n’abakozi babiri, naho abandi bane bakomeretse bikomeye. Byabereye mu duce twa Biakato no hafi y’ikigo cya Mambasa gikurikirana abakekwaho n’abarwaye Ebola nk'uko bitangazwa na BBC.

Tedros Adhanom Ghebreyesus umuyobozi w’ishami ry’umuryango w’abibumbye ryita ku buzima,OMS, yanditse kuri Twitter yamagana ibi bitero ku bakozi bari kurwanya Ebola.

Mu ntangiriro z’iki cyumweru OMS yavanye abakozi baryo muri tumwe mu duce twa Beni kubera imyigaragambyo y’abaturage bamagana ingabo za MONUSCO bashinja ko zidashoboye kubarinda.

Si ubwa mbere ubwicanyi bwibasiye abakozi bari guhangana na Ebola muri DR Congo – kuko bamwe bafite imyumvire ko Ebola ari indwara bazaniwe n’abari kuyivura.






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND