Nibizi J Claude uba muri Afrika y’Epfo yashyize hanze amashusho y’indirimbo ‘Mpuye na Yesu’-VIDEO

Avuga ku rugendo rwe mu muziki wa Gospel yagize ati “Natangiye umuziki nkiri muto cyane kuko nakuze ndirimba mu rusengero. Ntabwo kuba umuhanzi wa Gospel aribyo nahisemo ahubwo nibyo nisanzemo byabaye nka kimwe mu bigize ubuzima bwanjye kuko ni byo nakuriyemo bimbamo.”

Yakomeje agira ati “Ubundi mbere yuko njya mu itsinda (Bow music)nari umuhanzi ku giti cyanjye, David Imani nawe yari umuhanzi ku giti cye duhurira mu itsinda rimwe uburero twafashe igihe ngo dukore buri wese ku giti cye hanyuma tuge duhurira mu itsinda igihe byabaye ngombwa. Umuhanzi mfata nkikitegererezo mu Rwanda ni bose bambanjirije.

Abajijwe urwego abonaho umuziki wa Gospel mu Rwanda, yagize ati “Gospel industry yo mu Rwanda muri rusange igeze ahantu heza cyane hashimishije kuko ibikorwa birahari barakora cyane. Icy’abakunzi banjye cyangwa se abakurikirana Gospel nyarwanda bakwitega kuri njye ni uko ndi gukora Album yanjye ya mbere ndirimba ngenyine ikindi mu kwezi gutaha kwa cumi ndasohora indi ndirimbo ifite n’amashusho hamwe no gufashwa n'Imana.”

REBA HANO AMASHUSHO Y'INDIRIMBO 'MPUYE NA YESU' YA NIBIZI J CLAUDE