Airtel Rwanda
Kigali

Manchester United yanyagiye Chelsea ku munsi wa mbere wa shampiyona y’u Bwongereza

Yanditswe na: Mugabe Jean Paul
Taliki:12/08/2019 9:05
0

Mu mpere z’iki cyumweru nibwo shampiyona ikunzwe kurusha izindi ku mugabane w’uburayi (Premier League) yatangiye, aho Manchester United yanyagiye Chelsea iyitsinda ibitego 4-0. Frank Lampard atsindwa umukino we wa mbere atoje Chelsea muri Premier League. umukino twakurikiranye kuri Canal+.



Ni umukino ikipe ya Manchester United yaje iri hejuru ya Chelsea cyane, aho umuntu wese yibazaga umukino wa mbere Anthony Martial akina nka Rutahizamu uko aza kwitwara nyuma y’uko uwahoze ari rutahizamu Romelu Lukaku Manchester united imugurishije mu ntangiriro z’icyumweru gishize mu ikipe ya Inter Milan, ntiyahita igura umusimbura we.

Abakinnyi ba Manchester United bishimira igitego 

Manchester United yabonye igitego gifungura amazamu ku munota 18 kuri penaliti cyatsinzwe na Marcus Rashford. Igice cya mbere cyaje kurangira Manchester United iri imbere n’igitego kimwe ku busa bwa Chelsea. Igice cya kabiri cyatangiye n’ubundi Manchester United iri hejuru ya Chelsea, byaje kuyihira ibona ibitego bibiri mu masegonda 92 gusa, ku munota 65 cya Anthony Martial no ku munota wa 67 cya Marcus Rashford.

Anthony Martial watsinze igitego kimwe  na Marcus Rashford watsinze ibitego bibiri

Daniel James baherutse kugura mu ikipe ya Swansea City, yaje kubonera Manchester United igitego cy’agashinguracumu ku munota wa 81 w’umukino, kikaba ari n’igitego cye cya mbere atsindiye Manchester United. Umukino waje kurangira usize umutoza mushya wa Chelsea Frank Lampard mu mazi abira nyuma yo kunyagirwa na Manchester United mu mukino we wa mbere ibitego 4-0.

Abakinnyi ba Manchester United bishimira igitego cya Kane cyatsinzwe na Daniel James 

Muri rusange dore uko imikino y’umunsi wa mbere yagenze mu mpere z’iki cyumweru:

Ku wa gatanu tariki ya 9 Kanama 2019        

Liverpool 4 – 1 Norwich City

Ku wa gatandatu tariki ya 10 Kanama 2019

West Ham United 0 – 5 Manchester City

AFC Bournemouth     1 – 1 Sheffield United

Burnley 3 – 0 Southampton   

Crystal Palace 0 – 0 Everton

Watford 0 – 3 Brighton

Tottenham Hotspur 3 – 1 Aston Villa

Ku cyumweru tariki ya 11 Kanama 2019

Leicester City 0 – 0 Wolverhampton

Newcastle United 0 – 1 Arsenal

Manchester United 4 – 0 Chelsea

Tubibutse ko nta handi ushobora gukurikirana iyi mikino usibye kuyireba kuri Canal+, aho kuri ubu ushobora kureba shampiyona y’igihugu cy’Ubutariyani (Serie A) uguze ifatabuguzi ry’amafaranga 15,000Rwf gusa ukirebera amashusho adacikagurika.






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND