Airtel Rwanda
Kigali

Bimwe mu bigwi n’amateka byaranze umutoza mushya wa Manchester United, Ole Gunnar Solskjæ

Yanditswe na: Editor
Taliki:2/04/2019 14:45
1

Ole Gunnar Solskjæ umutoza mushya wa Manchester United yavutse kuri 26 Ugushyingo 1973 avukira mu ntara Kistiansund mu gihugu cya Norway. Avuka mu muryango w’abana bane.



Mbere y'uko ajya mu Bwongereza, Solskjæ yabanje gukinira amakipe yo mu gihugu cye, ari yo Clausenengen na Molde aho yakinaga nk’umwataka. Yaje kujya muri Manchester United ahagana mu mwaka wa 1996 aguzwe miliyoni imwe n’igice y’amayero (1.5 £) aho yari arangije amasezerano ye mu ikipe yitwa Molde. Akigera muri Manchester United yahawe akabyiniriro ka“Baby Face” ugenekereje mu Kinyarwanda ni nk’isura y’abana. 

Yakiniye Manchester United imikino 366 atsinda ibitego 126. Mu mwaka wa 1999 ni bwo yafashije Manchester United gutwara igikombe kiruta ibindi ku mugabane w’iburayi UEFA Champions league, aho yatsinze igitego kimwe muri bibiri batsinze ikipe ya Bayer Munich imbere y'imbaga yabafana basaga 90,245 ku mukino wa nyuma wabereye muri Esipanye ku kibuga cya Baracelona (camp nou). 


Ole Gunnar Solskjæ yishimira igitego yatsinze Bayer Munich ku mukino wa nyuma wa UEFA Champions League mu 1999

Muri 2007 Solskjæ yatangaje ko asezeye gukina umupira w’amaguru kubera ikibazo cyimvune yo mw’ ivi yari yaranze gukira. Nubwo yaseye yahamye muri Manchester nk’muvugizi n’umujyanama wayo. Muri 2011 yasubiye mu gihugu cye cya Norway aba umutoza mukuru w’ikipe yitwa Molden aho yaje kuyifasha kuza mu ma kipe abiri yambere. 

Muri 2013 yatwaye igikombe cy’igihugu, ari nacyo gikombe cye cya mbere nk’umutoza  (Norway National football cup). Muri 2014 yaje kugaruka mu Bwongereza gufasha Cardiff City Fc nta masezerano, mu gihe iyi kipe yari iri mu makipe atatu ya nyuma yagombaga kumanuka mu cyiciro cya kabiri aho byaje kurangira iyi kipe imanutse.

Muri uwo mwaka kandi yafashaga amakipe y'abakiri bato mu ntara yavukiyemo, ndetse agafasha Manchester United nk'umujyanama wizewe. Nyuma y'uko Cardiff city Fc imanuka ikajya mu cyiciro cya kabiri Ole yamanukanye nayo. Kuri uyu wa kane taliki ya 28 Werurwe 2019 ni bwo Manchester United yatangaje ku mugaragaro Ole Gunnar Solskjæ nk'umutoza mukuru w'iyi kipe aho yari ayimaranye igihe gisaga amaze atatu n’igice nk’umutoza w'agateganyo.


Ole Gunnar umutoza mukuru wa Man United

INKURU YA PAUL MUGABE-INYARWANDA.COM






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • mc matatajado1 year ago
    ntabirenze


Inyarwanda Art Studio

Inyarwanda Art studio
Inyarwanda BACKGROUND