iTel
Kigali

Luis Enrique yagizwe umutoza mukuru wa Espagne

Yanditswe na: Mihigo Saddam
Taliki:9/07/2018 14:27
0

Luis Enrique wahoze atoza FC Barcelona kuri ubu ni umutoza mukuru w’ikipe y’igihugu ya Espagne nyuma yo gusinya amasezerano y’imyaka ibiri azamara atoza iyi kipe iheruka gusezererwa igeze muri kimwe cy’umunani cy’igikombe cy’isi 2018.



Espagne ifite igikombe cy’isi cya 2010 cyabereye muri Afurika y’Epfo, muri uyu mwaka wa 2018 yaviriyemo muri 1/8 ikuwemo na Russia yakiriye iri rushanwa riri kuba ku nshuro ya 21. Espagne yavuye mu gikombe cy’isi itozwa na Fernando Hierro wari waje asimbura  Julen Lopetegui.

Luis Enrique afite akazi gakomeye ko gufasha Espagne gushaka itike y’igikombe cy’ibihugu by’u Burayi 2020 (Euro 2020) ndetse no kuba yazabafasha gushaka itike y’igikombe cy’isi cya 2022 mu gihe yaba agiriwe ubuntu n’amahire mu kazi.

Enrique  w’imyaka 48, yavuye muri FC Barcelona nyuma y’umwaka w’imikino wa 2016-2017 nyuma y’imyaka itatu (3) yari amaze muri iyi kipe y’ubukombe i Catalogna.

Nyuma yaho yagiye avugwa mu makipe nka Chelsea na Arsenal ariko kuri ubu akaba yafashe umwanzuro wo kuguma mu gihugu cye abatoreza ikipe y’igihugu.

Image result for luis enrique

Luis Enrique yanabaye umukinnyi ukina hagati agana imbere

Nk’umutoza, Luis Enrique yatoje ikipe y’abato ba FC Barcelona (FC Barcelona B) 2008-2011, AS Roma (2011-2012), Celta Vigo (2013-2014), FC Barcelona (2014-2017).

Nk’umukinnyi, Enrique yakiniye amakipe arimo; Sporting B (1988-1990) imikino 27 atsinda ibitego bitanu (5), Sporting Gijon (1989-1991) mu mikino 36 yabatsindiye ibitego 14, Real Madrid (1991-1996) akinamo imikino 157 atsinda ibitego 15 mu gihe FC Barcelona (1996-2004) yakinnyemo imikino 207 agatsinda ibitego 73.

Costa and his Spain team-mates celebrate with more relief than joy after finally breaking through the Iranian defences

Espagne yasezerewe na Russia muri 1/8 cy'igikombe cy'isi






Umwanditsi

Mihigo Saddam

-

Sura Umwanditsi Nyandikira

Inyarwanda BACKGROUND

Copyright © 2008-2019 Inyarwanda Ltd
RSS