iTel
Kigali

Nduhirabandi Abdoulkalim Coka yasezeye muri Kirehe FC

Yanditswe na: Mihigo Saddam
Taliki:14/04/2018 5:33
0

Nduhirabandi Abdoulkalim bita Coka wari umutoza mukuru w’ikipe ya Kirehe FC yamaze kwandika ibaruwa isezera kuri aka akazi yari amazeho igice cya shampiyona y’umwaka w’imikino 2017-2018.



Mu ibaruwa uyu mutoza yindikiye ubuyobozi bw’ikipe ya Kirehe FC, avuga ko mu kazi yari afite ko gutoza iyi kipe yari abangamiwe cyane, bityo ko kuba yayigumamo abona bitashoboka bitewe n'uko abona uburyo bari babanye byari nk’amananiza.

Ibaruwa Nduhirabandi yandikiye abayobora ikipe ya Kirehe FC

Ibaruwa Nduhirabandi yandikiye abayobora ikipe ya Kirehe FC

Nduhirabandi asize ikipe ya Kirehe Fc iri ku mwanya wa 12 ku rutonde rw’agateganyo rwa shampiyona n’amanota 15 mu mikino 15 bakinnye muri shampiyona. Kirehe Fc yamaze gusezererwa mu gikombe cy'Amahoro kuko yakuwemo na Police FC ibatsinze mu mikino ibiri. Kuri uyu wa Gatandatu tariki ya 14 Mata 2018 ni bwo Kirehe FC iraba isura Mukura VS kuri sitade Huye mu mukino w'umunsi wa 16 wa shampiyona.





Umwanditsi

Mihigo Saddam

-

Sura Umwanditsi Nyandikira



Inyarwanda BACKGROUND

Copyright © 2008-2019 Inyarwanda Ltd
RSS