Ahabanza Imikino

Handball U20: Ntabanganyimana yahamagaye 20 bagomba kwitegura imikino Nyafurika

Yanditswe na: Mihigo Saddam
Taliki:13/07/2017 11:07 1

Ntabanganyimana Antoine umutoza w’ikipe y’igihugu y’umukino wa Handball mu Rwanda, yahamagaye abakinnyi 20 batarengeje imyaka 20 bagomba kwitabira umwiherero urarayo (Residential Camp) kuwa 16 Nyakanga 2017 bitegura kujya i Dakar muri Senegal ahazabera imikino Nyafurika y’ingimbi kuva tariki ya 1-5 Kanama 2017.

Umwiherero w’aba basore uzabera mu Karere ka Huye kuva ku Cyumweru tariki 16 Nyakanga 2017, ukazitabirwa n’abakinnyi 20 bazavamo 14 bazurira indege izabajyana i Dakar guhagararira u Rwanda mu mikino Nyafurika (IHF Handball Trophy/Continental phase), irushanwa riba buri myaka ibiri kuva ryatangizwa mu 2011.

U Rwanda rwabonye iyi tike nyuma yo gutwara igikombe cy’Akarere ka Gatanu B rutsinze Uganda ku mukino wa nyuma mu irushanwa ryaberaga muri Uganda. Icyo gihe mu Ukuboza 2016, u Rwanda rwatsinze Uganda amanota 38-32.

Dore abakinnyi 20 bahamagawe:

1.Bananimana Samuel (APR HC)

2.Hakizimana Jean Claude (Es Kigoma)

3.Sengoga Credo Bruno (St Aloys)

4.Tuyishime Zacharie (Police HC)

5.Muhumure Elysée (Inyemeramihigo HC )

6.Urangwanimpuhwe Guido (ADEGI)

7.Muhawenayo Jean Paul (APR HC)

8.Nshimiyimana Alexis (APR HC)

9.Mbesutunguwe Samuel (Es Kigoma)

10.Rwamanywa Viateur (APR HC)

11.Karenzi Yannick (APR)