Kitoto Bibarwa agiye kuza mu Rwanda nyuma y’imyaka 4 amaze yibera i Burayi mu gihugu cy’u Bwongereza. Nk’uko Kitoko yabitangarije Inyarwanda, kugeza ubu harabura amasaha macye akaba ageze i Kigali.
Kitoko Musabwa Patrick bakunze kwita Kitoko Bibarwa, biteganyijwe ko azagera mu Rwanda kuri uyu wa Gatatu tariki 12 Nyakanga 2017 ahagana isaa tatu n’igice z’ijoro (21:30) ku isaha y’i Kigali. Yagize ati: “Nzagera i Kigali kuwa Gatatu (12 Nyakanga) saa 21:30”.
Nkuko Kitoko Bibarwa yabitangarije Inyarwanda.com,aje mu Rwanda muri gahunda y’amatora y’umukuru w’igihugu ateganyijwe kuba mu ntangiriro za Kanama 2017, bikaba biteganyijwe ko azamara mu Rwanda iminsi 20. Yagize ati: “Nje muri campaign, mfite iminsi 20 (mu Rwanda)”.
Umuhanzi Kitoko Bibarwa yari amaze imyaka ine avuye mu Rwanda dore ko ko yahavuye tariki 29 Gashyantare 2013. Abajijwe na Inyarwanda.com ibintu yumva afitiye amatsiko cyane, Kitoko yavuze ko afite amatsiko y’ibintu byinshi ndetse yunzemo ko ari hafi ya byose. “Amatsiko ni menshi, sinamacye,..banza ari byose”
Kitoko Bibarwa ni umwe mu bahanzi bubatse izina mu muziki nyarwanda
Kitoko atangaje agiye kuza mu Rwanda nyuma ya The Ben uherutse kuza mu Rwanda agataramira abakunzi be nyuma y’igihe kinini bari bamaze bamukumbuye. Ni nyuma kandi ya Meddy na we uherutse kwemeza ko muri uyu mwaka wa 2017 ari bwo azagaruka mu Rwanda. Kitoko Bibarwa uherutse gushyira hanze indirimbo nshya yise ‘Amadayimoni’, ni umuhanzi nyarwanda wamenyekanye mu ndirimbo zitandukanye nka 'Agakecuru kanjye', Imfura y'inzozi, 'You', ‘Ikiragi’,’Ifaranga’,‘Shitani’, ‘Kano kana’, ‘Rurashonga’ n’izindi.
Kitoko yishimiye kugaruka mu Rwanda, ngo afite amatsik y'ibintu byinshi
Eng
RSS 
TANGA IGITECYEREZO