Byari umunezero mwinshi ubwo abahanzi, abakinnyi n'abanyamakuru bahuraga na Perezida Kagame- AMAFOTO

Umunezero mwinshi ni wo waranze ibi birori. Uyu muhango wabereye i Kigali mu nyubako ya Kigali Convention Center , abawitabiriye wabonaga bacyeye bose bashimishijwe no kubonana n'Umukuru w'Igihugu ndetse no kuganira. Bose hamwe bari bari mu byiciro bitatu hakurikijwe amazina y'ubutore bahawe ubwo bitabiraga Itorero ry'Igihugu.

Icyiciro cya mbere ni IMPARIRWAKUBARUSHA kikaba kigizwe n'abakinnyi b'imikino yose ndetse n'abandi bose bagira uruhare muri Siporo mu Rwanda , aba bakaba bagaragaje ibyishimo bidasanzwe byo kubonana na Perezida wa Repubulika.

Icyiciro cya kabiri ni INDATABIGWI kikaba kigizwe n'abahanzi bose (abaririmbyi, abanditsi, abakina amakinamico na Filime, abanyabugeni,...) ndetse n'abandi bose bagira uruhare mu bikorwa by'ubuhanzi n'ubugeni mu Rwanda. Aba na bo baserukanye umucyo ndetse bo baza no kurenzaho n'akarusho.

Icyiciro cya gatatu ni IMPAMYABIGWI kikaba kigizwe n'abanyamakuru ndetse n'abandi bose bakora ibikorwa bijyanye no gutangaza amakuru mu Rwanda. 

Nyuma yo kuganira na Perezida, abari bitabiriye ibyo birori bose bakomereje mu busabane bwabereye aho kuri Kigali Convention Center. 

Aya ni amafoto menshi agaragaza uko byari byifashe:

Muri Convention Center abantu batangiye kuhagera hakiri kare

Salle yageze aho irakubita iruzura

Abahanzikazi Mariya Yohana na Knowless bari bahageze ndetse bicaye imbere

INDATABIGWI zigizwe n'abahanzi bose ndetse n'abanyabugeni (Abaririmbyi, abakina cinema, abanyabugeni, abandika ibitabo,..)

IMPAMYABIGWI zigizwe n'abanyamakuru aha basubiragamo icyivugo cyabo

Morale yari yose

Bati amaboko yacu azakorera u Rwanda kandi neza

Ubwo Nyakubahwa Perezida Paul Kagame yahageraga 

 Perezida yari aherekejwe na Minisitiri UWACU Julienne na Minisitiri KABONEKA 

Minisitiri Francois KANIMBA na we yari ahari

Abakinnyi ba Filme CITY MAID ibyishimo byari byose , aha bari kumwe na DJ Bob n'umuririmbyi EDOUCE Softman

Morale yari nyinshi

SENDERI International HIT yashyizeho Morale ikomeye bose barabyina ati: Nshimishijwe no kuririmba muri Convention Center bwa mbere 

 Bose hamwe bafatanije gushyiraho Morale

Nyakubahwa Perezida wa Repubulika Paul KAGAME aha impanuro abitabiriye ibirori

Uyu muzungu yavuze ijambo rye mu Kinyarwanda gitomoye ashimira Perezida KAGAME uburyo ateza imbere imikino

SAMUSURI / RULINDA umukinyi muri Filme ikunzwe cyane yitwa SEBURIKOKO yakanyujijeho ashimisha abantu bose

SIPERANSIYA (Intare y'Ingore) na we akina muri Filime SEBURIKOKO , hano yavugaga ibyo yungukiye mu Itorero ry'Indatabigwi

Aha Perezida Paul Kagame yarebaga urwenya rwa SAMUSURI na SIPERANSIYA abakinnyi ba Filime SEBURIKOKO

Patrick Nyamitari na we yasusurukije abantu

Bose hamwe bageneye Perezida Paul KAGAME impano yo kumushimira

Ngiyi impano bamugeneye 

IGP Emmanuel Gasana na General NYAMVUMBA na bo bari bahari.

Gen James Kabarebe ni umwe mu banyacyubahiro bari bahari

Minisitiri w'Urubyiruko n'Ikoranabuhanga Jean Philbert Nsengimana na Rucagu Boniface umuyobozi w'Itorero ry'Igihugu na bo bari bahari

Umuraperi Jay Polly ni umwe mu Ntore zahuye n'Umukuru w'igihugu Nyakubahwa Paul Kagame

Noel Nkundimana uyobora Radio Umucyo

Evelyne Umurerwa , umunyamakuru uzwi cyane  kuri Televiziyo y' u Rwanda (RTV) yari ahari na we.

 Kakooza Nkuriza Charles (KNC) uyobora Radio & Tv One

Makanyaga Abdul wammaye cyane mu muziki wo hambere na we yari ahari

Mazimpaka Jones Kennedy umukinnyi wa Filime n'amakinamico, umwalimu akaba ari na we uyobora filime SEBURIKOKO

Nyiranyamibwa Suzanne, umuririmbyi w'inararibonye waboneye izuba benshi mu bahanzi nyarwanda na we yari ahari

Umuhanzi Eric Mucyo, umwe mu baririmbyi bagize itsinda rya 3 Hills 

KNC uyobora Tv One ni we wavuze ijambo mu cyiciro cy'IMPAMYABIGWI (Abanyamakuru)

IRI NI IJAMBO NYAKUBAHWA PEREZIDA PAUL KAGAME YAGEJEJE KU BARI BITABIRIYE IBI BIRORI

AMAFOTO: Jean Luc Habimana / InyaRwanda Ltd