Rutahizamu ukomoka muri Norvege ukinira ikipe ya Borussia Dortmund, Erling Braut Haaland yegukanye igihembo cy'umukinnyi mwiza ukiri muto ku mugabane w'i Burayi, ahigitse Ansu Fati wa Barcelona, Camavinga, Davies na Jodan Sancho bakinana mu Budage.
Haaland w'imyaka 20 y'amavuko, amaze gutsindira Borussia Dortmund ibitego 27 mu mikino 29 yayikiniye, by'umwihariko akaba ari umwe mu bakinnyi bayihetse mu mwaka ushize w'imikino kandi bakiyifatiye runini mu busatirizi bwayo.
Haaland yageze muri Dortmund muri Mutarama 2020, avuye muri Red Bull Salzburg yo muri Austria, ahita aba umwe mu bakinnyi iyi kipe igenderaho.
Uyu munya-Norvege yahigitse bagenzi be bahabwaga amahirwe yo kwegukana iki gihembo, harimo umwongereza bakinana muri Dortmund, Jodon Sancho, Umunya Espagne Ansu Fati, umunya-Canada ukinira Bayern Munich Alphonso Davies, edouardo camavinga ndetse na Bukayo Saka wa Arsenal.
Mu 2019, Halaand yabaye uwa kane nyuma yo kwigaragaza cyane muri Red Bull Salzburg byanamuviriyemo kubengukwa na Dortmund. Igihembo cy'umwaka ushize cyegukanwe n'umunya-Portugal ukinira ikipe ya Atletico Madrid, Joao Felix, nyuma yo kugira umwaka udasanzwe w'imikino muri Benifica yakiniraga.
European Golden Boy award, ni igihembo gitangwa n'Ishyirahamwe ry'abanyamakuru b'i Burayi, gihabwa umukinnyi utarengeje imyaka 21, wigaragaje kurusha abandi, kandi ukina mu makipe akomeye yo ku mugabane w'i Burayi. Lionel Messi, Paul Pogba, Kylian Mbappe na Matthijs de Ligt begukanye iki gihembo mu myaka yashize.
Haaland ni umwe mu bakinnyi bafatiye runini Dortmund
Eng
RSS 
TANGA IGITECYEREZO