RFL
Kigali

Cristiano Ronaldo yakize Coronavirus yari amaranye iminsi 17

Yanditswe na: SAFARI Garcon
Taliki:31/10/2020 16:23
1

Nyuma y'iminsi 17 yari amaze mu kato, rutahizamu wa Juventus n'ikipe y'igihugu ya portugal, Cristiano Ronaldo yakize Coronavirus yatumye adahura na Messi mu mukino Juventus yatsindiwe mu rugo 2-0.



Mu bizamini byakorewe uyu mukinnyi ufatwa nka nimero ya mbere ku Isi muri ruhago kuri uyu wa Gatanu tariki 30 Ukwakira 2020, byagaragaje ko Cristiano yakize neza Coronavirus.

Cristiano yahise ahabwa uburenganzira bwo gusubira guhura n'abandi ndetse no gusubira mu myitozo na bagenzi be bakinana.

Tariki ya  13 Ukwakira 2020, nibwo Ronaldo yasanganwe Covid-19  nyuma y’iminsi mike akinnye umukino wahuje Portugal na Espagne.

Kwandura kwa Ronaldo kwatumye asiba imikino myishi Juventus yakinnye mu marushanwa atandukanye ndetse n'imikino y'ikipe y'igihugu ya Portugal.

Ronaldo ntiyakinnye imikino 4 Juventus iheruka gukina Coronavirus yanduriye mu ikipe y’igihugu ya Portugal, harimo n'uwo Juventus iheruka gutsindwa na FC Barcelona muri UEFA Champions League.

Yari inshuro ya gatatu Ronaldo apimwe, nyuma yuko mu nshuro ebyiri zose ziheruka, ibizamini byagaragaje ko akirwaye, ariko ikizamini cya gatatu cyagaragaje ko yamaze gukira neza kandi yemerewe gusubira mu kibuga.

Nagirirwa icyizere n'umutoza wa Juventus, Cristiano ashobora kugaragara mu mukino uzahuza Juventus na Spezia kuri iki cyumweru tariki ya 01 Ugushyingo 2020.

Cristiano Ronaldo yagarutse mu kibuga nyuma yo gukira COVID-19





TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • ZOM3 weeks ago
    Yawe biragaragara n'iyihangane


Inyarwanda Art Studio

Inyarwanda Art studio
Inyarwanda BACKGROUND