Indege ya Ethiopian Airlines Boeing 777-200F yafashwe n'inkongi y'umuriro ku kibuga cy'indege cya Shanghai Pudong International Airport nk'uko byagaragaye mu mashusho yakwirakwiye yafashwe ubwo iyi ndege yashyaga.
Kuri uyu wa Gatatu mu gihugu cy'u Bushinwa ku kibuga cy'indege cya Shanghai Pudong International Airport ni bwo iyi ndege ya kampani y'indege ya Ethiopian Airlines yafashwe n'inkongi y'umuriro. Iyi ndege yari imaze gupakirwa imizigo.
Iyi ndege amakuru avuga ko urugendo yari imaze gukora rwavaga mu mujyi wa Buruseli mu Bubirigi, ikaba yari igiye kwerekeza Sao Paulo na Santiago inyuze i Addis Abeba. Umuriro watangiriye ku gice gihera inyuma aho imizigo yari iri, nyuma ujyenda uzamuka ujyera no ku gice cyo hejuru.
Iyi ndeye yafashwe n'inkongi y'umuriro ikiri ku kibuga
Ubuyobozi by'iyi kampani ya Ethiopian Airlines bwatangaje ko buri gufatanya n'ubuyobozi bw'u Bushinwa mu gukora iperereza ku cyaba cyateje iyi nkongi. Iyi ndege yari imaze imyaka igera kuri itanu ikozwe. Iyi nkongi nta muntu n'umwe wayiguyemo cyangwa ngo akomereke.
Iyi mpanuka ibaye nyuma y'uko muri Werurwe umwaka ushize wa 2019 indege y'iyi kampani ya Ethiopan Airlines ikoze impanuka igahitana abantu bagera 157 bigatuma indege za Boeing 737 MAX zihagarikwa.
Src: Aviation24.be & Airlines Ratings
TANGA IGITECYEREZO