Inyarwanda art Studio
Kigali

CECAFA Kagame Cup 2019: Jules Ulimwengu yafashije Rayon Sports kugera muri 1/4 batsinda Atlabara-AMAFOTO

Yanditswe na: Mihigo Saddam
Taliki:9/07/2019 23:05
2

Ibitego bya Jules Ulimwengu birimo kimwe cyo ku munota wa 15’ n’uwa 79’ byatumye Rayon Sports itsinda Atlabara FC ibitego 2-0 mu mukino w’umunsi wa kabiri mu itsinda rya mbere (A) wakinwaga mu mugoroba w’uyu wa Kabiri kuri sitade ya Kigali.



Amanota atatu y’uyu mukino yatumye Rayon Sports igwiza amanota atandatu (6) kuko yatangiye itsinda TP Mazembe igitego 1-0 kuri sitade Amahoro i Remera.




Jules Ulimwengu yujuje ibitego bitatu muri CECAFA Kagame Cup 2019

Wari umukino wa kabiri kuri Olivier Ovambe umutoza mushya muri Rayon Sports ndetse ikaba intsinzi ye ya kabiri yikurikirana.

Mbere y’uko uyu mukino utangira, habanje gufatwa umunota wo kwibuka abari abanyamakuru ba Azam TV Tanzania baguye mu mpanuka y’imodoka i Singida ubwo bari bagiye mu kazi.





Hibutswe abari abanyamakuru ba Azam TV Tanzania bazize impanuka yabereye i Singida muri Tanzania

Rayon Sports birinze gukora impinduka n’imwe mu bakinnyi 11 babanje mu kibuga bakina na TP Mazembe mu mukino wa mbere.

Hagati mu kibuga hari Nshimiyimana Amran imbere y’abugarira (Holding Midfielder) bityo Mugheni Kakule Fabrice na Olokwei Commodore bakamujya imbere, Cyiza Hussein agaca ibumoso, Iranzi  Jean Claude agaca iburyo.


Iradukunda Eric Radou azamukana umupira 


Ulimwengu Jules azamukana umupira ashaka inzira 

Ahagana inyuma hari Iradukunda Eric Radou, ibumoso hari Eric Rutanga Alba wambaye n’igitambaro cy’abakapiteni. Jules Ulimwengu yari rutahizamu, mu izamu hari Kimenyi Yves naho mu mutima w’ubwugarizi hari Iragire Saidi na Rugwiro Herve.

Muri uyu mukino, ikipe ya Atlabara FC n’ubundi ntabwo yahabwaga amahirwe kuko kuva ku mukino wa mbere yahuyemo na KMC FC bagaragaje ko batari ku rwego ruhambaye.

Hagati mu kibuga Olokwei Commodore yaje kuruha asimburwa na Nizeyimana Mirafa, Iranzi Jean Claude asimburwa na Irakoze Saidi mu gihe Bizimana Yannick yasimbuye Cyiza Hussein wari wamaze kunanirwa.


Nizeyimana Mirafa umwe mu bakinnyi binjiye mu kibuga basimbuye

Atlabara FC baje gukanguka mu gice cya kabiri itangira guhana neza mu gice cya kabiri ariko birangira Rayon Sports bakoze impinduka banabona igitego mu minota ya nyuma y’umukino.

Rayon Sports yahise iyobora itsinda rya mbere (A) n’amanota atandatu (6), TP Mazembe ifite amanota atatu (3), KMC ifite inota rimwe cyo kimwe na Atlabara FC.

Abakinnyi babanje mu kibuga:


Atlabara FC XI: Atlabara FC XI: Khamis Daniel (GK,1), Mutawakil Abdelkarim 6 ,Mustafa Salim 15, Yakub Adam 13, Lam Buay 21, Peter Sunday 5, Marish Mandela 20, Okena Pixy 14, Nelson Mandela 10, Jimmy Michael 7, Obeyono Edisiri 11.


Rayon Sports XI: Kimenyi Yves (GK,1), Iradukunda Eric 14, Eric Rutanga Alba (C,3), Rugwiro Herve 4, Iragire Saidi 2, Nshimiyimana Amran 5, Olokwei Commodore 11, Mugheni Kakule Fabrice 27, Cyiza Hussein 10, Iranzi Jean Claude 21, Ulimwengu Jules 7.




Eric RutangaAlba kapiteni wa Rayon Sports akurikiye umupira 


Olivier Ovambe umutoza mukuru wa Rayon Sports

Kuri uyu wa Gatatu tariki ya 10 Nyakanga 2019, hazakinwa imikino yo mu itsinda rya kane (D) aho AS Ports izakira Gormahia FC (13h30’) mbere y’uko KMKM ikina na AS Maniema (15h30’).

Dore imikino yarangiye kuri uyu wa Kabiri:

Group B:

-Bandari FC 2-2 Mukura VS (Huye Stadium)

-KCCA 1-0 Azam FC (Huye Stadium)

Group A:

-KMC 0-1 TP Mazembe (Kigali Stadium)

-Atlabara FC v0-2 Rayon Sports (Kigali Stadium)

Dore uko gahunda iteye kuri uyu wa Gatatu:

-AS Ports FC vs Gormahia FC (Stade Umuganda, 13h30’)

-KMKM FC vs AS Maniema FC (Stade Umuganda, 15h30’)


Abasifuzi n'abakapiteni mbere y'umukino




Abakinnyi ba Rayon Spots bishimira igitego


Cyiza Hussein (Iburyo) hafi ya Yacub Adam (13)




Iradukunda Eric Radou (14) ashaka uko yagera ku mupira 




Iragire Saidi (2) imbere ya Jimmy Michael (7)



Yacub Adam agenzura umupira 


Mugheni Kakule Fabrice amaze kubura igitego


Salim Mustafa (15) acenga Ulimwengu Jules (7)


Jules Ulimwengu yatsinze igitego cyuzuza ibitego 3 mu mikino ibiri


Cyiza Hussein yasimbuwe na Irakoze Saidi


Eric Rutanga Alba ayobora bagenzi be mu kibuga


Mugheni Kakule Fabrice yicaye hasi



Bizimana Yannick mu mugongo wa Ulimwengu Jules


Ibyishimo bya Rayon Sports byo ku munota n'ifirimbi ya nyuma 

PHOTOS: Saddam MIHIGO






IBITECYEREZO

  • Hahahaha3 months ago
    Bravo Bravo Bravo bahungu ba rayon sport namwe bayobozi ba rayon sport MWATURINZE IBIBAZO, MUKADUKIZA ABAKINNYI INSTABLES MU MUTWE, bakinaga agatima karehareha, kuva kuri BAKAME, kugeza kuri les 4 traîtres baheruka kujya guhu...muri mukeba, MUKATUZANIRA ABAKINNYI BAKINIRA IKIPE BABISHAKA.
  • Manirafasha Anastase3 months ago
    Gikundiro Tuzakijyana Gisange Ibindi


Bahaus

Inyarwanda BACKGROUND