TTC Gacuba II na GASS zatsindiye guhagararira intara y'Uburengerazuba mu marushanwa yo kubungabunga ibidukikije

Muri aya marushanwa yateguye n'ikigo Hermosa Life Tours and Travel yibandaga ku bidukikije aho insanganyamatsi ko (Topics) zose zatanzwe zatangaga ihurizo rikomeye ku kubungabung ibidukikije by'umwihariko mu rubyiruko. Ni amarushanwa yarangiye ibigo bibiri (2) TTC Gacuba II na GASS aribyo bitsindiye kuzohereza abana muri Boot Camp nyuma yo kunyura mu ntara zose.

Saa tatu zuzuye ni bwo amarushanwa yaratangiye atangirana n'ibigo byose uko ari bitandatu byari byatumiwe aribyo : Rubavu Technical School, Gisenyi Adventist school (GASS) ,Mazzarello TVET st Dominique , ESIG, TTC Gacuba na College Inyemeramihigo byaje kuvamo bibiri byatsinze. Muri aya marushanwa hatangwaga amahirwe angana ku mpande zombi zigahangana binyuze mu matsinda agizwe n'ibigo bibiri bibiri yari yakozwe (AB CD EF). Intego zose zatanzwe zari zifite umwihariko wo gutuma abana batekereza cyane bigatuma basubiza ibibavuyemo ndetse bafatiye umwanya.

Oreste Ntirenganya umuyobozi wa Hermosa Life Tour and Travel atangiza igikorwa

Mu kiganiro na Umukunde Pierrine umunyeshuri muri TTC Gacuba II yanatsinze muri aya marushanwa yatangarije INYARWANDA imbamutima ze aho zishingiye ndetse anashimira RDB kimwe Hermosa Life batekereje ikigikorwa murubyiruko. Yagize ati" Turishimye kuko kubadutsinze tukaba tugiye kwitegura amarushanwa ku rwego rw'igihugu."

Yakomeje agira ati "Twizeye ko bizadufasha tukarushaho kumenya neza ko u Rwanda rw'ejo turufite mu biganza byiza kandi tuzaba heza, ibidukikije ni byiza turabyishimira kandi biduha n'inyungu. Imihanda amashuri ndetse n'ibindi u Rwanda rufite byose byaturutse ku bukerarugendo so, Hermosa Life na RDB bakoze kudutekerezaho urubyiruko rwo mu mashuri natwe ntabwo tuzabatenguha kubishyira mu bikorwa".

Ibi byashimangiwe na Orste Ntirenganya umuyobozi wa Hermosa Life Tours and travel wavuze ko bateguye aya marushanwa mu rubyiruko mu buryo bwo kubereka ko ejo hazaza bahafite mu biganza byabo by'umwihariko abana bato. Yavuze ko kandi abana batsinze mu ntara y'uburengerazuba bazahatana ku rwego rw'igihugu nyuma yo kuva muri Boot Camp iteganyijwe tariki 1 Nyakanga kugeza 31 Kamena 2019 hamaze no kumenyekana abasigaye bazava mu Majyepfo, mu Majyaruguru ndetse no mu mujyi wa Kigali.

Abari bagize akanama nkemurampaka

Umukunde Pierrine avuga mu izina rya bagenzi be ba TTC Gacuba II

Itsinda rya Hermosa n'abanyeshuri batsindiye guhagararira intara y'Uburengerazuba

Kwizera Jean de Dieu (Inyarwanda.com)