iTel
Kigali

BOX OFFICE: Avengers: Endgame niyo filime iri guca ibintu ku isi, mu minsi 3 yinjije miliyari y’amadolari

Yanditswe na: UDAHOGORA Vanessa Peace
Taliki:29/04/2019 10:40
0

Filime Avengers: Endgame ya Buena Vista kuri ubu niyo iri kubica bigacika ku isi hose, iyoboye urutonde rwa filime ziri kugurishwa cyane ndetse ikubye inshuro zirenze 40 iyigwa mu ntege mu zacurujwe cyane muri Amerika.



1. Avengers: Endgame

boxoffice

Iyi filime muri iyi weekend yinjije $350,000,000 muri Amerika gusa, yasohotse kuwa 5 tariki 26/04/2019. Yaguzwe cyane mu mahanga kuko kugeza ubu wogeyeho amafaranga yacurujwe mu bindi byice byo ku isi, usanga iyi filime yarinjije $1,209,000,000. Niyo filime ihheruka ya MCU (Marvel Cinematic Universe), uruhererekane rwa za filime zo mu bwoko bwa superhero zikomoka muri Marvel Comics. Izi filime zatangiye gukorwa muri 2007, kugeza ubu zimaze kuba 22. Avengers: Endgame kuyikora byatwaye miliyoni 356 z’amadolari, irimo abakinnyi bakomeye bagiye bakina mu zindi filime za MCU nka Robert Downey, Jr., Chris Hemsworth, Mark Ruffalo, Chris Evans, Scarlett Johansson, Jeremy Renner, Karen Gillan, Paul Rudd, Josh Brolin, Brie Larson, Bradley Cooper (Ijwi gusa), Elizabeth Olsen, Evangeline Lilly, Letitia Wright, Chadwick Boseman, Gwyneth Paltrow, Winston Duke na Tessa Thompson.

2. Captain Marvel

boxoffice

Captain Marvel iri mu bwoko bwa Action/ Adventure, ikaba irimo abakinnyi nka Brie Larson, Samuel L.Jackson, Ben Mendelsohn n’abandi batandukanye. Ni filime yasohotse tariki 08/03/2019, muri iyi weekend yinjije $8,051,000 muri Amerika gusa. Icuruzwa na Buena Vista, amafaranga byatwaye ngo iyi filime itunganywe ntiyigeze atangazwa, ku isi hose imaze kwinjiza $1,110,180,047. Ubushize yari ku mwanya wa 4.

3. The Curse of La Llorona

boxoffice

The Curse of La Llorona ni filime iteye ubwoba icuruzwa na Warner Bros (New Line), muri iyi weekend yinjije $7,500,000. Iyi filime yasohotse tariki 19/04/2019, imara isaha n’iminota 33. Yacurujwe hanze ya Amerika cyane,ku isi hose imaze kwinjiza $86,984,301 kuyikora byatwaye miliyoni 9 gusa z’amadolari. Ubushize niyo yari iyoboye izindi ku mwanya wa mbere.

4. Breakthrough

boxoffice

Ni filime iri mu bwoko bwa drama, icuruzwa na Fox ikaba yarinjije $6,304,000 muri iyi weekend. Yasohotse tariki 17/04/2019, kugeza ubu imaze kwinjiza $33,714,230, ayo byatwaye ngo itunganywe ntiyigeze atangazwa. Ubushizwe yari ku mwanya wa 3.

5. Shazam!

boxoffice

Filime y’imirwano yitwa Shazam! Niyo iza ku mwanya wa 5 ku rutonde rwa filime ziri kugurwa cyane ku isi. Muri iyi weekend yinjije $5,520,000, yasohotse tariki 05/04/2019. Icuruzwa na Warner Bros. (New Line), kuva yasohoka kugeza ubu imaze kwinjiza $346,349,727, kuyikora byatwaye miliyoni 100 z’amadolari. Ubushize niyo yari ku mwanya wa 2.

6. Little

boxoffice

Ni filime icuruzwa na Universal, yasohotse tariki ya 12/04/2019. Ni filime isekeje, muri iyi weekend yinjije $3,438,000 muri Amerika gusa, ku isi hose imaze kwinjiza $42,446,255, kuyikora byatwaye miliyoni 20 z’amadolari. Ubushize niyo yari ku mwanya wa 5.

7. Dumbo (2019)

boxoffice

Dumbo ni filime iri mu bwoko bwa Adventure, muri iyi weekend yinjije $3,239,000 ikaba yarasohotse tariki 29/03/2019. Ubushize yari ku mwanya wa 6, icuruzwa na Buena Vista, kuyikora byatwaye miliyoni 170 z’amadolari, ikaba imaze kwinjiza  $327,605,558.

8. Pet Sematary (2019)

boxoffice

Iyi ni filime iteye ubwoba ya Paramount, yasohotse tariki 05/04/2019. Muri iyi weekend yinjije $1,290,000. Ubushize yari ku mwanya wa 7, kuva yasohoka kugeza ubu imaze kwinjiza $102,312,457. Kuyikora byatwaye miliyoni 21 z’amadolari.

9. Us

boxoffice

Ni filime iteye ubwoba inakinamo Lupita Nyong’o ikaba icuruzwa na Universal, muri iyi weekend yinjije $1,141,000.  Yasohotse ku itariki 22/03/2019, icuruzwa na Universal, kuva yasohoka kugeza ubu imaze kwinjiza $249,444,635, kuyikora byatwaye miliyoni 20 z’amadolari. Ubushize yari ku mwanya wa 8.

10. Penguins (Disneynature)

boxoffice

Iyi filime mbarankuru (Documentary) icuruzwa na Buena Vista, yasohotse tariki 17/04/2019 muri iyi weekend ikaba yarinjije $1,051,000 muri Amerika gusa, dore ko kugeza ubu ariho gusa icuruzwa. Wongeyeho ayo yinjije mbere, imaze kwinjiza $5,721,426, ayo byatwaye ngo itunganywe ntabwo azwi.





Umwanditsi

UDAHOGORA Vanessa Peace

-

Sura Umwanditsi Nyandikira



Inyarwanda BACKGROUND

Copyright © 2008-2019 Inyarwanda Ltd
RSS