Hakiri Jean Pierre Mabula usanzwe ari kapiteni w’ ikipe ya AS Kigali yarangije shampiyona iri ku mwanya wa kabiri, agiye gukora ubukwe na Uzabakiriho Florence bamaranye igihe bakundana, bakaba barahisemo kuzibanira akaramata ndetse n’ urupapuro rw’ ubutumira rukaba rwashyizwe hanze.
Nk’ uko urupapuro aba bombi bamaze gushyira hanze batumira inshuti n’ abavandimwe mu birori by’ ubukwe bwabo rubigaragaza, bigaragara ko ubu bukwe buzaba tariki ya 12 Nyakanga 2015, hakazabanza imihango yo gusaba no gukwa izaba ku isaha ya saa tatu, ikabera mu Nkoto, mu karere ka Kamonyi aho uyu mukobwa akomoka naho imihango yo gusezerana imbere y’ Imana ikazabera kuri Saint Famille ku isaha ya saa munani z’ amanywa.
Uzabakiriho Florence n’ umugabo we Hakiri Mabula Peter bagiye kurushinga byemewe n’ amategeko
Ubutumire bugira buti: “ Imiryango ya Uzabakiriho Francois na Muganga Emmanuel inejejwe no kubatumira mu bukwe b’ abana babo, Uzabakiriho Florence na M. Hakiri Peter. Imihango y’ ukubwe izaba tariki ya 12/7/2015: Saa tatu (9:00) Gusaba No gukwa mu Nkoto, sa munani (14:00) Gusezerana imbere y’ Imana kuri St Famille, i Kigali. Nyuma, abatumiwe bazakirirwa mu busitani bwa St Famille kuza kwanyu ni inkunga ikomeye cyane.”
Ubutumire bwashyizwe ahagaragara butumira abantu mu bukwe bwa kapiteni wa AS Kigali
Uyu azaba abaye umukinnyi w’ umupira w’ amaguru wa kabiri muri uyu mwaka, urushinze byemewe n’ amategeko nyuma ya kapiteni Fuadi Ndayisenga uherutse kurushinga ndetse na Mugiraneza Jean Baptiste na Bikorimana Gerard barushinze umwaka ushize.
Eng
RSS 
TANGA IGITECYEREZO